لاتۆيانىڭ توعىز تۇرعىنىن جىلان شاعىپ، ءيت قاپتى

استانا. قازاقپارات - وتكەن تاۋلىكتەردە لاتۆيانىڭ توعىز تۇرعىنى جانۋارلار مەن جاندىكتەردىڭ زاقىمداۋىنان زارداپ شەكتى.

بۇل تۋرالى جەدەل مەديتسينالىق كومەك قىزمەتىنەن ءمالىم ەتتى.

MixNews-تىڭ حابارلاۋىنشا، مەديتسينا قىزمەتكەرلەرى بەس ءيت قاپقان، ەكى ارا شاققان جانە ارالاردىڭ شاعۋىنان جاعدايى كۇرت ناشارلاعان ەكى ادامعا كومەك كورسەتكەن.

ۆيدزەمدە كورشىسىنىڭ ءيتى 14 جاستاعى جاس ءوسپىرىمدى قاۋىپ الدى، ال التى جاسار بالانى ءيت باسىنان قاۋىپ العان. سونىمەن بىرگە، كۋرزەمەنىڭ 69 جاستاعى تۇرعىنى - ايەل ادامدى ءوزىنىڭ ءيتى بەتىنەن تىستەگەن.

جىلانداردىڭ شاعۋىنان 78 جاستاعى ايەل مەن 17 جاستاعى قىز زارداپ شەكتى، ال ارانىڭ شاعۋىنان كەيىن 71 جاستاعى ايەل مەن 25 جاستاعى جىگىت اللەرگيالىق رەاكتسيا الدى.