07:16, 12 - ماۋسىم 2014 | GMT +5
ف ي ف ا ءا چ كەزىندە ستاديونعا اكەلۋگە تىيىم سالىناتىن زاتتاردىڭ ءتىزىمىن جاريالادى
استانا. قازاقپارات - ف ي ف ا برازيلياداعى فۋتبولدان الەم چەمپيوناتى ويىندارى وتەتىن ستاديوندارعا اكەلۋگە تىيىم سالىناتىن زاتتاردىڭ ءتىزىمىن جاريالادى، دەپ جازادى شەتەلدىك ب ا ق.
مالىمەتتەر بويىنشا، جانكۇيەرلەرگە تريبۋناعا ۇلكەن كولەمدى سۋمكالار، وت شاشۋ زاتتارىن، مۋزىكالىق اسپاپتار، قولشاتىر، ۇرلەنەتىن شارلار، وعان قوسا ۇيدەن تىسكەباسار جانە كەز كەلگەن سۇيىق زات اكەلۋگە تىيىم سالىنادى.
سونداي-اق، ەنى، ۇزىندىعى، بيىكتىگى 25 سانتيمەتردەن اساتىن، ستاديون ورىندىعىنىڭ استىنا سىيمايتىن كولەمدى كەز كەلگەن زاتتى اكەلۋگە بولمايدى.
ال، پلاكاتتاردىڭ ۇزىندىعى 2 مەتردەن اسپاۋ كەرەك. تىيىم سالىنعان تىزىمگە ساتى، ورىندىق، ءۇي جانۋارلارى (سوقىر ادامداردى ەرتىپ جۇرۋگە جاتتىققان يتتەردى قوسپاعاندا) جانە ۇن تەكتەس ۇنتاق زاتتار دا كىردى.
ەڭ باستىسى، كورەرمەندەردىڭ دەنساۋلىعىنا زيان كەلتىرەتىن كەز كەلگەن زاتقا تىيىم سالىنادى.
