ەلىمىزدەگى ۇزدىك دارىگەرلەر ماراپاتتالدى

استانا. قازاقپارات - استانادا ۇزدىك دارىگەرلەر ماراپاتتالدى.

كاسىبي مەرەكە قارساڭىندا قالانىڭ دەنساۋلىق ساقتاۋ جۇيەسىنىڭ جۇزدەن اسا قىزمەتكەرى ەرەكشە قوشەمەتكە يە بولدى.

ەلوردا اكىمىنىڭ قۇرمەت گراموتاسى مەن توسبەلگىسىن تابىستاۋ ءراسىمى №1-قالالىق اۋرۋحانادا ءوتتى. سالتاناتتى شارادا بىرنەشە كاسىبي بايقاۋلاردىڭ قورىتىندىسى دا شىعارىلدى.

اتاپ ايتساق، «ماماندىق بويىنشا ۇزدىكتەر» بايقاۋىنىڭ «ۇزدىك دارىگەر»، «ۇزدىك مەدبيكە» اتالىمدارىنىڭ جەڭىمپازدارى مەن جۇلدەگەرلەرىنە باعالى سىيلىقتار تابىستالدى.

ءومىرىنىڭ 9 جىلىن وسى سالاعا ارناعان اسقار قىل ۇستىندە تۇرعان بىرنەشە ادامنىڭ ومىرىنە اراشا بولدى.

بۇگىن ول ءوز ەڭبەگىنىڭ باعالانعانىنا ريزا. قالالىق جەدەل جاردەم ستانساسىنىڭ دارىگەرى ساپالى كورسەتىلگەن العاشقى كومەك قاشاندا ماڭىزدى ەكەنىن ايتادى.

24.kz