ەلىمىزدە تۋۋ كورسەتكىشى ارتىپ كەلەدى

استانا. قازاقپارات - ايەل ادام ءۇشىن بالا ءسۇيۋ - شەكسىز باقىت.

استانادا كۇنىنە 80 نەن استام انا وسىنداي باقىتقا كەنەلەدى ەكەن.

ءبىر پەرزەنتحانانىڭ وزىندە 30 عا جۋىق ءسابي دۇنيەگە كەلۋدە.

جاڭا عانا دۇنيە ەسىگىن اشقان سابيگە اناسى «ەلينا» دەپ ات قويدى. استانا قالالىق پەرزەنتحاناسىندا بۇگىن وسىنداي تاعى 25 بالا دۇنيەگە كەلدى. بۇل -  تۇراقتى كورسەتكىش. ال جىلىنا وسىنداي ءبىر مەكەمەدە كەم دەگەندە 7 مىڭنان استام ءسابي تۋىلادى.

حاليدا ءشارىپوۆا، استانا قالالىق پەرزەنتحاناسى باس دارىگەرىنىڭ ورىنباسارى:

- قازاقستاندىقتاردىڭ سانىن كوبەيتۋ - ءبىزدىڭ ماقساتىمىز. سوندىقتان ايەلدەرگە جاقسى كومەك كورسەتىپ، جاعدايلارى جاقسى بولىپ، بالالارىن قۇشاقتاپ شىققانى - ءبىزدىڭ ماقساتىمىز. استانا قالالىق پەرزدەنتقاناسىندا 50 دەن استام دارىگەر قىزمەت ەتەدى.

ولار - دارىگەر، اكۋشەر، نەوناتولوگ، انەستەزيولوگ ماماندارى مەن، مەدبيكەلەر جانە سانيتارلار. ايناگۇل ساعيتوۆا، قارالۋشى:

- قاسىڭدا جاقىن ادامىڭ بولماعاندا، دارىگەر سەنىڭ تۋىسىڭ بولىپ كەتەدى. وعان كونەسىڭ، سونىڭ ايتقانىنان شىقپاۋعا تىرىساسىڭ. ءبىز ولار ءۇشىن بالالار سياقتىمىز. ءسابيىڭدى دۇنيەگە اكەلۋگە دارىگەرلەر كومەكتەسەدى. مەكەمە 130 ورىنعا شاقتالعان. دەموگرافياعا ۇلەس قوسىپ جۇرگەن انالارىمىزدىڭ جاسى 15-49 جاسقا دەيىن جەتەدى ەكەن. كۇندەلىكتى 70 گە جۋىق انا ءسابيىن قۇشاقتاپ ۇيگە قايتادى.

رانۋرا سارساريەۆا، انا:

- ءبارى جاقسى ءوتتى، دەنى ساۋ، دارىگەرلەرگە راحمەت. دارىگەرلەردىڭ ايتۋىنشا، كەيدە بولاشاق انالار جۇكتىلىگى كەزىندە وزدەرىنە دۇرىس كۇتىم جاسامايدى نەمەسە تىركەۋگە تۇرمايدى. ال قۇرساقتاعى بالانى دەر كەزىندە تەكسەرىپ، قاجەتتى دارۋمەندەر بەرىپ وتىرماساڭ، ونىڭ دەنساۋلىعى زيان كەلۋى مۇمكىن. بۇگىنگى تاڭداعى باستى ماسەلە - بولاشاق انالاردىڭ وسى جاۋاپسىزدىعى دەيدى دارىگەرلەر.

حاليدا ءشارىپوۆا، استانا قالالىق پەرزەنتحاناسى باس دارىگەرىنىڭ ورىنباسارى:

- جۇكتى ايەلدەرگە ايتارىمىز، ەشقانداي تاماقتان باس تارتۋدىڭ قاجەتى جوق. كوبىنەسە دالادا، تازا اۋادا جۇرگەندەرى دۇرىس. ويتكەنى، ىشتەگى نارەستە انانىڭ ءىش-قۇرىلىسىمەن ءومىر سۇرەدى. كۇنى-ءتۇنى انا مەن بالا ساۋلىعى ءۇشىن ايانباي قىزمەت ەتىپ جۇرگەن جانداردىڭ ەسەلى ەڭبەگىنىڭ ارقاسىندا سوڭعى جىلدارى ەلىمىزدە انا ولىمىنە جول بەرىلگەن جوق. نارەستەلەردىڭ شەتىنەۋ كورسەتكىشى دە ازايىپ كەلەدى.

قازىر بۇل كورسەتكىش 16,6پايىزعا كەمىگەن. 2012 - جىلدىڭ قورىتىندىسى بويىنشا استانادا 21266 پەرزەنت دۇنيەگە كەلسە، وتكەن جىلى 22600 ءسابي وتباسىن قۋانىشقا بولەگەن. ماماندار مۇنى الەۋمەتىمىزدىڭ جاقسارىپ، انا دەنساۋلىعىنىڭ قالىپقا كەلۋىمەن بايلانىستىرادى. اۆتورلارى: ءمولدىر دوسپايەۆا، جاندوس بيتاباروۆ

24.kz