قاسيەتتى ءزامزام سۋى ەلىمىزدە كەڭىنەن ساتىلۋدا
مۇسىلمان قاۋىمى ءبىر جۇتۋدى اڭسايتىن ءزامزام سۋىنىڭ باعاسىن ارىپتەسىم جاراس نيازبەك ءبىلىپ قايتتى.
جاراس نيازبەك، ءتىلشى:
2004 - جىلى امەريكالىق عالىمدار ءزامزام سۋىنىڭ قۇرامىن تەكسەرىپ، بۇنى الەمدەگى ەڭ تازا، ەڭ شيپالى سۋ دەپ انىقتاما بەرگەن. سول ۋاقىتتان بەرى قيىرداعى امەريكالىقتاردىڭ ءزامزام سۋىنا دەگەن قىزىعۋشىلىعى ارتتى.
ءزامزام سۋىنىڭ قاسيەتىنە شەك كەلتىرمەيمىز. ءوزىن مۇسىلمان ساناعان ءار پەندە وسى سۋدان ءبىر جۇتۋدى اڭسايدى. تەك مەككە شاھارىنان شىعاتىنىن ەسكەرسەك، اتالعان سۋدى تاسىمالداپ پايدا تابۋدى كاسىپ ەتۋشىلەر سانى كوبەيگەن. الايدا باعاسى قاراپايىم جۇرتقا قولجەتىمسىز.
ورالحان راحماتبەك ۇلى، الماتى قالاسى ورتالىق مەشىتىنىڭ نايب يمامى:
«اشىققاننان قۇنىققان جامان» دەيدى قازاق. قۇنىعىپ كەتۋدەن ساق بولۋ كەرەك. شىنىندا دا قولى جەتە الماي جاتقان كىسىلەرگە الىپ كەلىپ، قولجەتىمدى باعاعا بەرىپ جاتسا، ول ساۋابىن دا ىستەيدى، ءوزىنىڭ ءناپاقاسىن دا تابادى. ەشكىمدە جوق ەكەنىن ءبىلىپ تۇرىپ، اسپانداعى باعا ايتىپ جاتسا، ول .. .
راسىندا، ءزامزامنىڭ باعاسى وسىنداي ما، الدە جول شىعىنى كوپ پە، ءبىز كورگەن ورتالىق مەشىتتىڭ دۇڭگىرشەگىندە 1 ليترى - 1800 تەڭگە بولسا، وربيتا ىقشام اۋدانىنداعى مەشىت دۇڭگىرشەگىندە 1200 تەڭگە ەكەن. قاسيەتتى سۋدىڭ ساتىلۋىنا ەشكىم دە شەكتەۋ قويمايدى. تەك كوپشىلىك ءزامزامنىڭ باعاسىن قالتامىز كوتەرمەيدى دەيدى.
سەيىتكارىم، ساتۋشى:
بىزگە الىپ كەلىپ بەرەدى. بارىپ الىپ كەلەدى. سۇرانىس بار، كوپ تۇرمايدى. تەز ءوتىپ كەتەدى.
دەمەك، سۇرانىس بولسا، تۇتىنۋشى دا كوپ دەگەن ءسوز. ال ءزامزام سۋىنىڭ قۇرامىندا، باسقا سۋلارعا قاراعاندا وتە از مولشەردە كۇكىرت بار جانە ادامعا كوبىرەك پايدالى مينارالدى زاتتار بار. اش ادام ىشسە تويادى، شولدەگەن ادام ىشسە ءشولى قانادى.
«31-ارنا»
