08:33, 12 - ماۋسىم 2014 | GMT +5
سۋ اعار شۇمەكتەن تازا التىن ساۋلادى
استانا. قازاقپارات - امەريكانىڭ مونتانا شتاتىنا قاراستى ۋايتحولل قالاسىنىڭ تۇرعىندارى مۇلدەم تۇسىنىكسىز بولۋىمەن قاتار توسىن سىيعا تولى جايتقا كۋا بولدى. ناقتى ايتقاندا، شۇمەكتەن سۋمەن قوسا تازا التىن قۇيىلا باستاعان،
دەپ حابارلادى شەتەلدىك ب ا ق.
ۋايتحولل تۇرعىنى مارك براۋننىڭ ايتۋىنشا، جۇبايى شارون ىدىس- اياق جۋىپ جاتىپ، سابىن كوبىگى اراسىنان التىننىڭ ۇلبىرشەگىنە ۇقساس جىلتىر زاتتاردى بايقاعان. وسىدان كەيىن ول جولداسىنا قوڭىراۋ شالىپ، ەكەۋى سارى ۇلبىرشەكتەردى زەردەلەپ قاراعان.
«ول سۋدى اعىزىپ جىبەرمەك بولىپ، تىعىندى العاندا جىلتىراعان ۇساق ۇلبىرشەكتەردى كورگەن» ، - دەدى NBC تەلەارناسىنا سۇحبات بەرگەن م. براۋن.
باستاپقىدا ولار بۇل تابىلعان زاتتىڭ باعالى مەتال ەكەندىگىنە ءشۇبا كەلتىرگەن. الايدا حيميالىق سىناما ونىڭ تازا التىن ەكەندىگىن دالەلدەپ وتىر. ءسال كەيىنىرەك براۋننىڭ كورشىلەرى پول حارپەر وتباسى دا اۋىز سۋدان التىن ۇلبىرشەكتەرىن تاپقاندىعى بەلگىلى بولدى.
اۆتور: مارلان جيەمباي
