نۇرسۇلتان نازاربايەۆ بۋرابايدا يتاليا پرەمەر- ءمينيسترى ماتتەو رەنتسيمەن كەزدەستى
«يتاليالىق دوستارعا قوناقجاي قازاق جەرىنە قوش كەلدىڭىزدەر دەيمىز. ماتتەو رەنتسي مىرزانىڭ ساپارى اياسىندا بىزدەر كەلىسسوزدەر جۇرگىزۋدى باستادىق. رەنتسي مىرزا جاقىن ارادا ۇلكەن جەڭىستەرگە جەتىپ، پرەمەر- مينيستر لاۋازىمىنا تاعايىندالدى. قول جەتكىزگەن كەلىسىمدەر ەكى ەلدىڭ اراسىنداعى سەرىكتەستىكتى جوعارى دەڭگەيگە كوتەرەتىن بولادى» ، - دەدى ەلباسى.
سونىمەن بىرگە مەملەكەت باسشىسى قازاقستان مەن يتاليانىڭ ەكونوميكاسىنىڭ اراسىندا تىعىز بايلانىس ورناعانىن، بۇل ەل رەسپۋبليكامىزدىڭ ستراتەگيالىق ارىپتەسى بولىپ سانالاتىندىعىن باسا ايتتى.
«ەكى ەلدىڭ اراسىنداعى ساۋدا- ساتتىق 14 ميلليارد دوللاردان اسادى. يتاليانىڭ قازاقستانعا سالعان ينۆەستيتسياسى 6 ميلليارد دوللاردان استام. وزدەرىڭىزدەر بىلەسىزدەر، 2015 -جىلى ميلاندا ەكسپو حالىقارالىق كورمەسى بولادى. ءبىز قاتىسۋدى جوسپارلاپ وتىرمىز. 2017 -جىلى بىزدە وتەتىن ەكسپو- عا يتاليا دا قاتىسادى دەپ سەنەمىز» ، - دەدى ن. نازاربايەۆ.
سونداي- اق حالىقارالىق دەڭگەيدەگى ءبىرقاتار ماسەلەلەردە يتاليا مەن قازاقستاننىڭ ۇستانىمى ءبىر ەكەندىگىن باسا ايتقان قازاقستان كوشباسشىسى: «وسىنداي جان- جاقتى ىنتىماقتاستىقتى ەلدەرىمىزدىڭ يگىلىگى جولىندا الداعى ۋاقىتتا دا جالعاستىرا بەرەتىن بولامىز» ، - دەدى.
اۆتور: مارلان جيەمباي
