د. نازاربايەۆا باستاعان دەپۋتاتتار دەلەگاتسياسى شۆەتسيا كورولدىگىندە بولدى
ساپار بارىسىندا شۆەتسيا ريكسداگىنىڭ (پارلامەنتىنىڭ) ۆيتسە- سپيكەرى يا. ەرتسبورنمەن جانە الەۋمەتتىك ساقتاندىرۋ، مادەنيەت جونىندەگى پارلامەنتتىك كوميتەتتەر باسشىلىعىمەن كەزدەسۋلەر ۇيىمداستىرىلدى. زاڭ شىعارۋشى ورگان وكىلدەرى ءوزارا تاجىريبە الماسىپ، پارلامەنتارالىق ىنتىماقتاستىقتى دامىتۋدىڭ باسىم باعىتتارىن تالقىلادى.
ءبىلىم، دەنساۋلىق، حالىقتى الەۋمەتتىك قورعاۋ سالاسىنداعى شۆەدتىك ءتاسىلدى مەڭگەرۋ ماقساتىندا بەيىندى مەملەكەتتىك ورگان وكىلدەرىمەن جۇزدەسۋلەر بولدى. سونداي- اق، دەلەگاتسيا مۇشەلەرى كادرلار دايىنداۋ جانە مەديتسينالىق زەرتتەۋلەر جۇرگىزۋ بويىنشا شۆەتسيانىڭ ەڭ ۇزدىك ورتالىقتارىنىڭ بىرىنە باردى.
دەلەگاتسيا قۇرامىندا الەۋمەتتىك- مادەني دامۋ كوميتەتىنىڭ مۇشەلەرى گۇلنار يكسانوۆا، مۇرات احمادييەۆ جانە نادەجدا پەتۋحوۆا بولدى، دەپ حابارلايدى ءماجىلىستىڭ باسپا ءسوز قىزمەتىنەن.
