قازىرگى بويداق «جۇلدىزداردى» بىلەسىز بە؟

استانا. قازاقپارات - قىزداردى سىمباتتى، اقىلدى، ونەرلى، قالتالى، ەڭ باستىسى، باسى بوس ۇيلەنبەگەن تانىمال جىگىتتەردىڭ جەكە ومىرلەرى قاتتى قىزىقتىرادى.

«ەل ماقتاعان جىگىتتى قىز جاقتاعان» دەمەكشى، قاي ۋاقىتتا دا ساحنانىڭ جانە كينو الەمىنىڭ سەرىلەرى، سپورتشىلار، باسقا دا سالالارداعى تانىمال جىگىتتەر ۇنەمى قىزداردىڭ نازارىندا.

ايتالىق، وسىدان ونشاقتى جىل بۇرىن مەيرامبەك، توقتارداي سەرىلەر ميلليون قىزدىڭ ارمانى بولسا، قازىر ءبىر-ءبىر ارۋدىڭ جان-جارىنا اينالعان. ءار زاماننىڭ ءوز قاھارمانى، ءوز سەرىسى، ءوز حانزادالارى بار.

«الاش ايناسى» ينتەرنەت-گازەتى بۇگىنگى سانىندا وقىرماندار نازارىنا تالاي قىزدىڭ جۇرەگىن جاۋلاپ ۇلگەرگەن الايدا ءالى وتباسىن قۇرماعان نەمەسە ادەيى قۇرماي جۇرگەن قازىرگى قازاقتىڭ تانىمال جىگىتتەرىنىڭ وندىعىن ۇسىنىپ وتىر.

اسىلحان تولەپوۆ - اقان ساتايەۆتىڭ «جاۋجۇرەك مىڭ بالا» فيلمىندەگى سارتاي رولىمەن تانىلعان دارىندى اكتەر. اسىلحان 1992 - جىلى 21 - مامىردا اقتوبە وبلىسى ويىل اۋدانىنىڭ جەتىكول اۋىلىندا دۇنيەگە كەلگەن. ت. جۇرگەنوۆ اتىنداعى قازاق ۇلتتىق ونەر اكادەمياسى جانىندا اشىلعان كوللەدجدىڭ پروفەسسور ەسىم سەگىزبايەۆ كلاسىن ءتامامداعان.

 2010 - جىلى شاكەن ايمانوۆ اتىنداعى «قازاق فيلم» تۇسىرگەن ەلباسى تۋرالى «بالالىق شاعىمنىڭ اسپانى» اتتى فيلمدە پرەزيدەنتتىڭ دوسى عاليدىڭ ءرولىن وينادى. 2012 - جىلى «جاۋجۇرەك مىڭ بالا» فيلمىندەگى ءرولى ءۇشىن باۋىرجان مومىش ۇلى اتىنداعى مەدالمەن ماراپاتتالدى.

2013 - جىلى «سەرپەر» جاستار سىيلىعىنىڭ يەگەرى اتاندى. 2013 - جىلى «سۇڭقار» سەريالىندا باستى ءرولدى سومدادى. بۇگىندە اسىلحانعا عاشىق قىزدار كوپ بولعانىمەن ونىڭ جۇرەگىن جاۋلاعان ارۋ جوق كورىنەدى. ازىرگە اكتەردىڭ وتباسىن قۇرۋ تۋرالى جوسپارى بولماعاندىقتان ول قازىرگى تاڭدا تەك ونەرىنە كۇش سالۋدا.

ايان وتەپبەرگەن - «جاۋجۇرەك مىڭ بالا» تاريحي دراماسىندا تايماستىڭ ءرولىن ويناعان جاس اكتەر. الماتى قالاسىندا 1992 - جىلى 26 - ساۋىردە دۇنيەگە كەلگەن ايان بولمىسى بولەك ونەر يەسى.

ايان دا ت. جۇرگەنوۆ اتىنداعى ونەر اكادەمياسىنىڭ تۇلەگى. ءوزىن قازاق ەلىنىڭ پاتريوتى سانايتىن جاس دارىن تاياۋدا «وليمپ شىڭى» فيلمىنە ءتۇستى. ءوزىنىڭ ايتۋىنشا، ونەردىڭ شىڭىنا جەتۋ ءۇشىن قاجىرلى ەڭبەك، تالماس جىگەر كەرەك. «تايماستىڭ ءرولىن ويناعانىم ءۇشىن كوپ قىزدار مەنى جەك كورەدى» دەيدى ايان. الايدا ايانعا قالىڭدىق بولعىسى كەلەتىن قىزدار وعان الەۋمەتتىك جەلىدە مازا بەرمەيتىن كورىنەدى.

دەنيس تەن - «سوچي-2014» وليمپيادا ويىندارىنىڭ قولا جۇلدەگەرى، بەلگىلى سپورتشى، مانەرلەپ سىرعاناۋشى. دەنيس 1993 - جىلى 13 - ماۋسىمدا الماتى قالاسىندا تۋعان. د. تەن قازاقستاننىڭ ەڭبەك سىڭىرگەن سپورت شەبەرى.

2013 - جىلعى الەم چەمپيوناتىنىڭ كۇمىس جۇلدەگەرى. ول كوپتەگەن حالىقارالىق تۋرنيرلەردىڭ جەڭىمپازى، قازاقستاننىڭ ءۇش دۇركىن چەمپيونى. دەنيس 2010 - جىلى وتكەن وليمپيادا ويىندارىنىڭ ەڭ جاس مانەرلەپ سىرعاناۋشىسى بولدى. نەبارى 16 جاسىندا دەنيس ءوزىنىڭ عاجاپ دارىنىمەن الەمدى تاڭعالدىردى. دەنيس ەرلەر اراسىندا مانەرلەپ سىرعاناۋ سپورتى ارقىلى قازاقستاننىڭ اتىن الەمگە تانىتقان تۇڭعىش سپورتشى. بۇگىندە 20 جاستاعى دەنيس تەك قازاقستاندىق ارۋلاردىڭ عانا ەمەس، الىس-جاقىن شەتەلدەردەگى ميلليونداعان ارۋدىڭ ارمانىنا اينالعان حانزادا.

كەيىنگى كەزدە «دەنيس وزىنەن 10 جاس ۇلكەن شەتەلدىك سپورتشى قىزعا عاشىق ەكەن» دەگەن سىبىستار ءجيى ايتىلىپ ءجۇر. «مەنىڭ جەكە ءومىرىم تۋرالى سىرتىمنان ايتىلاتىن سوزدەرگە اسا ءمان بەرمەيمىن. انام قاشاندا ماعان ارتىق سوزدەردى كوڭىلگە الماۋعا كەڭەس بەرىپ وتىرادى. مەنىڭ قازىرگى ماقساتىپ سپورتتا ءالى تالاي جەتىستىكتەرگە جەتۋ»، دەيدى سپورتشى.

ءالي وقاپوۆ - قازاقستاننىڭ حالىق ءارتىسى روزا رىمبايەۆانىڭ ۇلى. ونەرلى وتباسىندا تاربيەلەنگەن ءالي بۇگىندە ەرجەتىپ، ارۋلاردىڭ قولى جەتە بەرمەيتىن ونەرلى جىگىتكە اينالدى. ءالي 1991 - جىلى الماتى قالاسىندا تۋعان. ول ك. بايسەيىتوۆا اتىنداعى مۋزىكا مەكتەبىنىڭ تۇلەگى. فورتوپيانودا شەبەر وينايتىن ءالي تاماشا ءبيشى، سازگەر. ول «جۇلدىزدار فابريكاسى» بايقاۋىنىڭ جۇلدەگەرى. بۇگىندە قازاقستاننىڭ تۇكپىر-تۇكپىرىندە ءاليدى ءبىر كورۋگە ارماندايتىن، ءتىپتى تۇسىندە كورەتىن ارۋلار جەتەرلىك. الايدا ءالي مىرزا دا ۇيلەنۋگە اسىقپايتىن سەكىلدى.

مۇراگەر ساۋرانبايەۆ - نۇرعيساداي مۋزىكا الىبىنىڭ ءىزىن جالعاۋشى جاس كۇيشى. مۇراگەر 1987 - جىلى 11 - شىلدەدە جامبىل وبلىسى ءتاتتى دەگەن اۋىلدا دۇنيەگە كەلگەن وندا 5-6 جاسقا دەيىن تۇرىپ، كەيىن تارازدا، ودان سوڭ الماتىدا تۇردى.

قازىر استانادا جۇمىس ىستەيدى دارىندى كۇيشى 9-سىنىپتان كەيىن ابدۋلحاميت رايىمبەرگەنوۆ باسشىلىق ەتەتىن «كوكىل» مەكتەبىن بىتىرگەن. كۇيشىلىك ونەرىمەن كوپشىلىكە تانىلعان مۇراگەر «دارىن» مەملەكەتتىك سىيلىعىنىڭ يەگەرى. مۇراگەر ءومىر بويى قول ۇستاسىپ وتەتىن سۇيىكتىسىن ىزدەپ ءجۇر.

قايرات تۇنتەكوۆ - قازاق ەستراداسىنداعى ەرەشە داۋىسقا يە انشىلەردىڭ ءبىرى. قايرات 1986 - جىلى 14 - اقپاندا شىمكەنت قالاسىندا دۇنيەگە كەلگەن. ەس بىلگەننەن ءانشى بولۋدى ارمانداعان قايرات بارشا قازاقستاندىقتارعا Superstar.kz ارقىلى تانىلدى.

قايراتتى كوبىنە مايكل جەكسون، جاستين تيمبەرلەيك، گرەگوري لەمارشال سەكىلدى الەمگە تانىمال ونەر جۇلدىزدارىنا ۇقساتىپ جاتادى. قايرات تەك تاماشا ءانشى عانا ەمەس، فۋتبولدى جاقسى وينايتىن سپورتشى دا. ءوزىنىڭ از-ماز تەنتەكتىگىمەن دە كوپشىلىككە تانىلىپ قالعان قايراتتىڭ جاسى 28 دەن اسسا دا باسى ەكەۋ بولما قويعان جوق.

الىشەر كارىموۆ -  1985 - جىلى تاراز قالاسىندا دۇنيەگە كەلگەن تانىمال ءانشى. ەڭ العاش ساحناعا 5 جاسىندا شىعىپ، «ءانشى بالاپان» بايقاۋىنا قاتىسقان. تۇركيا، بولگاريا، فرانسيا ەلدەرىندە وتكەن حالىقارالىق بايقاۋلارعا قاتىسقان. ت. جۇرگەنوۆ اتىنداعى قازاق ۇلتتىق ونەر اكادەمياسىندا ق ر ەڭبەك سىڭىرگەن ءارتىسى ليۋتسيا تۇلەشوۆانىڭ «ەسترادالىق ۆوكال» سىنىبىندا وقىدى.

2005 - جىلى «Superstar.kz» بايقاۋىنا قاتىسىپ ەكىنشى ورىندى يەلەندى. 2007 - جىلى گوللۋۆۋدتاعى «ورىنداۋشىلىق ونەردىڭ دۇنيەجۇزىلىك چەمپيوناتىنان» 2 التىن، 1 كۇمىس مەدالمەن ورالدى.

2011 - جىلى ۆيتەبسكىدەگى «سلاۆيان بازارى» فەستيۆالىندە جوعارى دەڭگەيدە ونەر كورسەتتى. تاياۋدا الىشەردىڭ «شۇكىر» دەپ اتالاتىن ءۇشىنشى البومى جارىق كوردى. الىشەر وسى جىلى شىلدە ايىندا «جاڭا تولقىن-2014» بايقاۋىنا قاتىسپاق. ازىرگە الىشەر دە ءوزىنىڭ سۇيىكتىسىنىڭ بار-جوعىن اشىق ايتقان ەمەس.

شەر ءالى - ءانشى، اكتەر. ونەرلى جىگىتتىڭ شىن ەسىمى الىشەر اۋەزوۆ، ول وڭتۇستىك قازاقستان وبلىسىندا 1991 - جىلى دۇنيەگە كەلگەن. 2009 - جىلدان باستاپ ت. جۇرگەنوۆ اتىنداعى قازاق ۇلتتىق ونەر اكادەمياسىندا ەسترادا ۆوكال ماماندىعى بويىنشا ءبىلىم العان. «سىرعالىم» تەلەحيكاياسىندا سانجار اتتى داۋلەتتى وتباسىنىڭ ەركەسىنىڭ ءرولىن ويناعان شەر ءالى ومىردە فيلمدەگى كەيىپكەرىنە مۇلدە ۇقسامايتىنىن ايتادى.

قازىرگى تاڭدا شەر ءالى «سىرعالىم» تەلەسەريالىنىڭ ەكىنشى ماۋسىمىنا تۇسۋدە. سونداي-اق، جاڭا اندەر جازدىرىپ، جەكە شىعارماشىلىقپەن دە قاتار اينالىسىپ ءجۇر. قىزۋ جۇمىس ۇستىندە جۇرگەن شەر ءالىنىڭ دە جەكە ومىرگە ۋاقىتى بولماي جۇرگەن كورىنەدى. شەر ءالىنىڭ ازىرگە كوڭىل جاراستىرىپ جۇرگەن سۇيىكتىسى جوق. الايدا شىمكەنتتە تۋىپ وسكەن اكتەر ەگەر ءسۇيىپ قالسا، اۋىولدىڭ قىزىن دا جار ەتۋگە دايىنمىن دەيدى.

مۇرات مۇتۇرعانوۆ - قازاقستاننىڭ تانىمال سيرك ءارتىسى، كلوۋن. مۇرات 1984 - جىلى 24 - ساۋىردەالماتى قالاسىندا تۋعان. اكەسى الەمگە بەلگىلى كلوۋن، سيرك ءارتىسى، فوكۋسشى، رەجيسسەر كارىم مۇتۇرعانوۆ.

مۇرات سيركتە 3 جاسىنان باستاپ ونەر كورسەتەدى. 1990 - جىلى ۆەرونەدە وتكەن سيرك ونەرىنىڭ بالالار فەستيۆالىندە الەمنىڭ ەڭ جاس كلوۋنى اتانعان بولاتىن. ونىڭ اتى «ديۆو» رەكوردتار كىتابىنا ەنگىزىلگەن. مۇرات بولاشاق جارىنىڭ اناسى سياقتى بايسالدى بولۋىن قالايدى.

نۇرجان كەرمەنبايەۆ -  « Superstar.kz-3» جوباسىنىڭ جەڭىمپازى، ءانشى. ول 1989 -جىلى 17 - اقپاندا قاراعاندى وبلىسىنىڭ جەزدى اۋىلىندا دۇنيەگە كەلگەن. «قالانىڭ سۇلۋلارى»، «قايداسىڭ عاشىعىم»، ء«ومىر-اي» سەكىلدى حيتقا اينالعان اندەرىمەن قىزداردىڭ جۇرگەنى جاۋلاپ جۇرگەن ءانشىنىڭ وسى ۋاقىتقا دەيىن ماحابباتتان جولى بولماي ءجۇر. ول ءوزىنىڭ ونەردەگى جۇپتارى جانار مەن سالتاناتتى ۇزاتتى، الايدا ازىرگە ءوزىنىڭ ومىرلىك جارىن كەزدەستىرە الماي ءجۇر. نۇرجاننىڭ ايتۋىنشا، ونىڭ بولاشاق جارى وتە يماندى، يبالى كەلىن دەگەن اتقا لايىق بولۋى كەرەك.

«ميلليون، ميلليون قىزدار بار، ءبىرى شەكەر، ءبىرى بال» دەپ جۇرگەن تانىمال جىگىتتەر نەگە وتباسىن قۇرماي ءجۇر؟ شىنىمەن ومىرلىك جارلارىن تابا الماي ءجۇر مە، الدە ۇيلەنۋدەن قورقا ما؟ ۇيلەنسە وزدەرىنە عاشىق قىزداردىڭ كوڭىلى قالىپ قالار دەپ دە ويلايتىن بولار شوۋ-بيزنەستەگى «جۇلدىز» جىگىتتەر. ءسىز قالاي ويلايسىز؟

اۆتور: اينۇر نۇرسابەت

«الاش ايناسى»