الماتىدا «زەرگەرلىك» وتا جاسالدى
بۇل تۋرالى قالالىق دەنساۋلىق ساقتاۋ باسقارماسىنىڭ باسپا ءسوز حاتشىسى لەيلا كەڭەسبايەۆا حابارلادى.
«قالالىق جەدەل جاردەم كورسەتۋ اۋرۋحاناسىنا وسىدان ءبىراز بۇرىن قولىنىڭ ساۋساقتارىن زاقىمداعان ناۋقاس كەلىپ تۇسكەن بولاتىن. جاپا شەگۋشىنىڭ ايتۋىنشا، ۇيىندە قۇرىلىس جۇرگىزىپ جاتقان كەزدە ول قولىن جۇمىس ىستەپ تۇرعان ميكسەرگە سالىپ العان. سونىڭ سالدارىنان ونىڭ وڭ قولىنىڭ ساۋساقتارى قاتتى زارداپ شەككەن»، - دەدى باسپا ءسوز حاتشىسى ل. كەڭەسبايەۆا.
ا. سىزگانوۆ اتىنداعى ۇلتتىق حيرۋرگيا ورتالىعى مەن جەدەل جاردەم بەرۋ اۋرۋحاناسىنىڭ بىلىكتى حيرۋرگتارى جىگىتتىڭ ءسىڭىرى جىرتىلعان ساۋساقتارىن قالپىنا كەلتىردى. وتا جاساۋ كەزىندە ميكروحيرۋرگيالىق تەحنولوگيا قولدانىلدى.
مەديتسينادا مۇنداي كۇردەلى وپەراتسيانى ماماندار «زەرگەرلىك جۇمىس» دەپ اتايدى. ويتكەنى، كوبىنەسە وعان بىرنەشە ساعات ۋاقىت كەتەدى ءارى ۇلكەن ۇقىپتىلىقتى قاجەت ەتەدى.
«قازىر ناۋقاستىڭ جاعدايى ءبىرقالىپتى. ونىڭ ساۋساقتارىنىڭ جۇمىس قابىلەتى اناعۇرلىم جاقساردى»، - دەدى ل. كەڭەسبايەۆا.
اۆتور: گۇلميرا عوسمانالي
