كورەيا پرەزيدەنتىنىڭ قازاقستانعا ساپارى بارىسىندا بيزنەس فورۋم وتەدى
«وزدەرىڭىز بىلەتىندەي، 12-20 - ماۋسىم كۇندەرى قازاقستان پرەزيدەنتىنىڭ شاقىرۋىمەن ەلىمىزگە كورەيا رەسپۋبليكاسىنىڭ پرەزيدەنتى پاك كىن حە حانىم كەلەدى» ، دەدى ول.
ونىڭ اتاپ وتۋىنشە، مارتەبەلى مەيماننىڭ ساپار باعدارلاماسىندا ەلباسىمەن شاعىن جانە كەڭەيتىلگەن قۇرامداعى كەلىسسوزدەرى، ەكى جاقتى قۇجاتتارعا قول قويۋى، كەڭ اۋقىمدى مادەني باعدارلامالارعا قاتىسۋى كوزدەلگەن.
«پرەزيدەنت حانىم قازاقستانداعى ءبىرقاتار نىسانداردى ارالايدى. «وتان قورعاۋشىلار» مەموريالىنا گۇل شوقتارىن قويادى، كورەي جانە قازاقستان سۋرەتشىلەرىنىڭ كورمەسىن تاماشالايدى. سونىمەن قاتار ول ءبىزدىڭ جوعارى ءبىلىم فلاگمانى سانالاتىن نازاربايەۆ ۋنيۆەرسيەتىندە بولادى» ، دەدى ا. ۆولكوۆ.
ونىڭ سوزىنە قاراعاندا، ساپار اياسىندا قازاقستان مەن كورەيانىڭ بيزنەس فورۋمىن وتكىزۋ دە كوزدەلىپ وتىر. وعان كورەيا تارابىنان 70 ءىرى كاسىپورىن مەن فيرمالار قاتىسادى.
«بۇل فورۋمعا ءبىزدىڭ پرەزيدەنت نەمەسە پرەمەر- مينيستر قاتىسۋى مۇمكىن» ، - دەدى سىرتقى ىستەر ءمينيسترىنىڭ ورىنباسارى.
اۆتور: مارلان جيەمباي
