شىنجاڭداعى لاڭكەستىكتى «شىعىس تۇركىستان يسلام قوزعالىسى» ۇيىمداستىرعان - ق ح ر س ءى م
بەيجىڭدە ق ح ر سىرتقى ىستەر مينيستىرلىگىنىڭ رەسمي وكىلى حۋا چۋنين وسىلاي دەپ مالىمدەدى.
قىتاي ديپلوماتىنىڭ ايتۋىنشا، ش ت ي ق ق ح ر اۋماعىندا ءدىني ەكسترەميزم يدەولوگياسىن تاراتقانى جانە لاڭكەستىك اكتسيالارىن ۇيىمداستىرعانىن دالدەيتىن ايعاقتار بار.
قۇقىق قورعاۋ ورگاندارىنىڭ دەرەكتەرىنە سۇيەنسەك، اعىمداعى جىلعى ساۋىردە ءۇرىمجى قالاسىنىڭ تەمىرجول ۆوكزالى ماڭىندا ورىن العان لاڭكەستىكتى ش ت ي ق مۇشەلەرى ۇيىمداستىرعان. اتالعان قايعىلى وقيعادان ءۇش ادام قازا تاۋىپ، 79 ادام جاراقات العان ەدى.
«قىتاي حالىقارالىق قاۋىمداستىقتى لاڭكەستىكپەن كۇرەس ماسەلەسىندە «قوسارلى ستاندارتتى» جويۋعا، قىتايدىڭ ش ت ي ق جانە باسقا دا لاڭكەستىك ۇيىمدارمەن كۇرەسىنە تۇسىنىستىكپەن قاراۋعا جانە قولداۋعا شاقىرادى»، - دەپ اتاپ ءوتتى ق ح ر س ءى م وكىلى.
شىعىس تۇركىستان يسلام قوزعالىسى - زاڭسىز قارۋلى قۇراما. ولاردىڭ ماقساتى - شىعىس تۇركىستاندا تاۋەلسىز مەملەكەت قۇرۋ. ب ۇ ۇ ش ت ي ق-تى لاڭكەستىك ۇيىم دەپ تانىدى.
