الەمدىك سيرك جۇلدىزدارى استانادا شوۋ جاساماق
فەستيۆال ءار ەلدىڭ ارتىستەرى اراسىنداعى ەڭ مىقتىلاردىڭ ونەر دوداسى عانا ەمەس، حالىقارالىق قازىلار القاسى ساراپتايتىن ەڭ ءىرى باعالاۋ الاڭى رەتىندە ەستە قالماق.
«استانالىق سيرك» مانەجىندە استانا تۇرعىندارى مەن قوناقتارىنا رەسەي، قىتاي، موڭعوليا، ۆەتنام، بەلارۋس، ياكۋتيا، ۋكراينا، وزبەكستان جانە قازاقستاننىڭ ارتىستەرى ونەر كورسەتەدى. ولاردىڭ كوبى بۇكىل الەمدىك فەستيۆال جەڭىمپازدارى مەن لاۋرەاتتارى، ءوز جانرلارىنىڭ حاس شەبەرلەرى، سيرك اۋلەتىنىڭ ۇرپاقتارى. فەستيۆال باعدارلاماسى ءار قاتىسۋشى مەملەكەت بىرىگۋ ارقىلى ۇلتتىق سيرك ەرەكشەلىكتەرىن ورتاعا سالاتىن «جاندى» ءارى بىرەگەي شوۋعا قانىق.
«ازيا جاڭعىرىعى» حالىقارالىق سيرك ونەرى فەستيۆالىنىڭ ايتۋلى وقيعاسى - فەستيۆال قاتىسۋشىلارىنىڭ ۇرمەلى وركەستر سۇيەمەلدەۋىمەن استانا كوشەلەرىندەگى «كاۆالكادا» مەرەكەلىك شەرۋى.
كاۆالكادا - «ازيا جاڭعىرىعى» فەستيۆالىنە قاتىسۋشى ارتىستەردىڭ قالا كوشەلەرىندەگى مەرەكەلىك شەرۋىنىڭ باعدارى: سيرك - سارىارقا داڭعىلى - بوگەنباي باتىر داڭعىلى - رەسپۋبليكا داڭعىلى - سيرك. وتەتىن كۇنى - 30 - ماۋسىم. ۋاقىتى - 18:00.
