عالىمدار: مامونتتاردى ەجەلگى ادامدار جەپ قويعان

استانا. قازاقپارات - سان مىڭداعان جىلدار بۇرىن جەر بەتىن مەكەن ەتكەن مامونتتاردى ەجەلگى داۋىرلەردە ءومىر سۇرگەن ادامدار جەپ قويعان.

 الىپ سۇتقورەكتىلەر 100 مىڭ جىل بۇرىن مۇز داۋىرىندە قىرىلىپ قالعان دەگەن بولجامدارمەن كەلىسپەيتىن دات عالىمدارى وسىنداي سىڭار جاقتى پىكىرلەرىن ءبىلدىرىپ وتىر، دەپ حابارلايدى YTPO. ru.

زەرتتەۋشىلەر 132 مىڭ جىل مەن 1 مىڭ جىل بۇرىنعى ارالىقتا جەر بەتىندەگى تىرشىلىكتى كومپيۋتەرگە ءتۇسىرىپ، 177 ءتۇرلى جانۋاردى ورنالاستىرادى. ولاردىڭ اراسىندا: كەنگۋرۋ، لەوپارد جانە قالتالى ارىستان بار. عالىمداردىڭ ايتۋىنشا، مامونتتار ادامدار ءومىر سۇرگەن ورىنداردا جاپپاي قىرىلعان.

«ءبىزدىڭ بولجامىمىز بويىنشا، جانۋارلار ادامدار ءومىر سۇرگەن ايماقتاردا جىلدام قىرىلعان. مامونتتاردىڭ كەمىندە 30 پايىزى وسىنداي ايماقتاردا جوعالىپ كەتكەن. دەمەك، ادامدار كۇندەلىكتى تىرشىلىگىندە مامونتتاردى ازىق ەتكەن» ، - دەيدى دوكتور سورەن فاربي.

مامانداردىڭ دەرەكتەرىنە سۇيەنسەك، 177 ءتۇرلى جانۋاردىڭ 62 سى سولتۇستىك جانە وڭتۇستىك امەريكادا، ازيادا - 38, اۆستراليادا - 26, ەۋروپادا - 19 جانە افريكادا - 18 ءتۇرى جوعالعان.

BNews.kz