برازيليا تۋرالى نە بىلەسىز؟
ال، تۋرنير فينالى 13 - شىلدەدە ريو- دە- جانەيروداعى «ماراكانا» ستاديونىندا بولماق. بۇگىنگى تاڭدا الەم نازارىن وزىنە اۋدارعان برازيليا تۋرالى نە بىلەسىز؟
برازيليا - وڭتۇستىك امەريكا قۇرلىعىندا ورنالاسقان، جەر اۋماعى بويىنشا 5- ورىن الاتىن الىپ ەل. دەرەكتەر بويىنشا برازيل اتاۋى برازيليادا وسەتىن «پاۋ - برازيل» اتتى اعاشتىڭ اتىنان شىققان ەكەن. ال، يرلانديالىق ميفتەر بويىنشا، اتلانت مۇحيتىندا جاتقان ارالداردىڭ بارلىعىن برازيل دەپ اتاعان كورىنەدى. ۇزاق جىلدار بويى برازيليا پورتۋگاليانىڭ وتارىندا بولدى. سوندىقتان دا بۇل ەلدە حالىق پورتاگال تىلىندە سويلەيدى.
سوڭعى دەرەكتەرگە قاراعاندا مۇنداعى حالىقتىڭ 70 پايىزدان استامى - كاتوليكتەر، 15 پايىزى- پروتەستانتتار. نەگىزىنەن، برازيليالىقتار قىزۋقاندى كەلەدى. الايدا، ەلدىڭ سالت- ءداستۇرىن سىيلاعان ازاماتتى قۇرمەتتەيدى ەكەن. ولار نەگە قىزىعادى، بىلەسىزدەر مە؟ ولار برازيليالىق سەريالدارعا قۇمار. دەسەك تە، حالىقتىڭ نەگىزگى قىزىعۋشىلىعى - فۋتبول. ولار - جانۇياسىمەن جانكۇيەر. سوندىقتان دا ەلدە سەريال مەن فۋتبول ەشقاشان ءبىر ۋاقىتتا كورسەتىلمەيدى.
برازيليالىقتار بارلىق مەرەكەنى: وتباسىلىق، مەملەكەتتىك، ءدىني مەرەكەلەردى اتاپ وتكەندى ۇناتادى. ەلدەگى ەڭ باستى مەرەكە - كارناۆال. كارناۆال - پاسحا مەرەكەسىنە دەيىن ۇلى پوستتىڭ باستاپقى اپتاسىندا مەرەكەلەنەتىن ءداستۇرلى فەستيۆال. بۇل مەرەكە 5 كۇن تويلانادى. دەرەكتەرگە سۇيەنسەك، كارناۆال پورتۋگاليالىق ماسلەنيتسا مەرەكەسىنەن باستاۋ العان.
برازيليا ادەبيەتى الەمدىك مادەنيەتتىڭ وركەندەۋىنە ۇلكەن ۇلەس قوستى. الەمگە تانىمال جازۋشىلار - ج. ماشادۋ، ج. فرەيرە، گ. راموس، ج. امادۋ، ە. ۆەريسسيمۋ، پاۋلو كوەلو برازياليادا دۇنيەگە كەلگەن.
برازيلياداعى ەڭ تانىمال سۋسىندار: كوكا- كولا جانە گۋارانا جيدەگىنەن جاسالعان گازدى سۋسىن. فەيجوبا (قارا ۇرمە بۇرشاق، كەپتىرىلگەن ەتتەن دايىندالادى) ، فاروفا (قۋىرىلعان مانيوكي ۇنى) ، باكالياۋ (كەپكەن بالىقتان دايىندالعان تاعام) ، تاكاكو (قۇرعاق اسشاياننان جاسالعان قويۋ سورپا) ، ۆاتاپي (ۇساق بالىقتاردان جاسالعان تاعام) ، كارۋرۋ (تۇزدالعان اسشاياننان) ، ءتۇرلى داندەر قوسىلعان كۇرىش - برازيلياداعى ادەتتەگى تاعامدار.
برازيليادا باسقا مەملەكەتتەرگە قاراعاندا، ومىرتقالىلار مەن ومىرتقاسىزداردىڭ كوپ ءتۇرى كەزدەسەدى. مايمىلداردىڭ 77 ءتۇرى، تۇشى سۋ بالىقتارىنىڭ 3000 ءتۇرى بار. برازيليانىڭ جانۋارلار الەمى دۇنيەجۇزىندە قوسمەكەندىلەردەن 2 شى، قۇستاردان 3- شى جانە باۋىرمەن جورعالاۋىشتاردان 5- ورىن الادى.
