اقتوبە وبلىسىنىڭ مۇناي وڭدەۋ كومپانيالارىنىڭ الدىنا ءوندىرىس كولەمىن ۇلعايتۋ مىندەتى قويىلدى

اقتوبە. قازاقپارات - اقتوبە وبلىسىنا ق ر مۇناي جانە گاز ءمينيسترى ۇزاقباي قاراباليننىڭ باسشىلىعىمەن ۆەدومستۆو ارالىق جۇمىس توبى باردى. ول ءوڭىردىڭ ءىرى مۇناي وڭدەۋ جانە ونەركاسىپتىك كاسىپورىندار جۇمىسىمەن تانىستى،

دەپ حابارلادى وبلىستىق اكىمدىكتىڭ باسپا ءسوز قىزمەتىنەن.

ۆەدومستۆو ارالىق توپ « СНСП- اقتوبە مۇناي گاز» ا ق جاڭاجول گاز وڭدەۋ زاۋىتىنا باردى. « СНСП- اقتوبە مۇناي گاز» ا ق باس ديرەكتورى ۆان تسزيۋنجەن قازىرگى ۋاقىتتا ەكىنشى جانە ءۇشىنشى كەزەكتەگى گ ءو ز قۇرىلىسى جۇرگىزىلىپ جاتقاندىعىن ايتتى. اتالمىش جوبانى ىسكە اسىرعاننان باستاپ 117 ميلليارد تەڭگەدەن استام قاراجات يگەرىلدى، ولاردى پايدالانۋعا بەرۋ ءبىرىنشى جارتىجىلدىقتىڭ اياعىندا، ءۇشىنشى كەزەكتە - 2014 - جىلدىڭ اياعىنا جوسپارلانعان.

زاۋىتتى پايدالانۋعا ەنگىزۋ جانە تولىق قۋاتتىلىققا كوشۋ بەينەۋ- بوزوي- شىمكەنت گاز قۇبىرى بويىنشا ەلدىڭ وڭتۇستىك وڭىرلەرىنىڭ حالىقارالىق ستاندارتتارعا جاۋاپ بەرەتىن تازا دايىندالعان گازبەن قامتاماسىز ەتۋگە، ءونىمنىڭ ەكسپورتتىق باعىتتىلىعىن كەڭەيتۋگە، كومپانيانىڭ حالىقارالىق گاز نارىعىنا شىعۋىنا مۇمكىندىك بەرەدى.

وبلىس اكىمى ارحيمەد مۇحامبەتوۆ اقتوبە ءوڭىرىنىڭ مۇنايگاز ونەركاسىبىن دامىتۋ ماسەلەسى تۋرالى ايتتى.

«جىل باسىنان باستاپ مۇناي ءوندىرۋ كولەمى 3 ميلليون توننانى نەمەسە وتكەن جىلدىڭ ءتيىستى كەزەڭىمەن سالىستىرعاندا، 87,5 پايىزدى قۇرادى. « СНСП اقتوبە مۇنايگاز» اق، «قازاق ويلاق توبە» ج ش س، «ك م ك مۇناي» ج ش س، «امان مۇناي» ج ش س، ت و و «تەتيس ارال گاز» ج ش س مۇناي وڭدەۋشى كومپانيالاردىڭ باسشىلىعى الدىنا بولجانعان كولەمدەرمەن سالىستىرعاندا، مۇناي ءوندىرىسىن ۇلعايتۋ مىندەتى قويىلدى. اعىمداعى جىلدىڭ سوڭىنا دەيىن 7,8 ميلليون توننا مۇناي ءوندىرۋ جوسپارلانۋدا» ، - دەپ اتاپ ءوتتى اكىم.

 «مەملەكەت باسشىسى نۇرسۇلتان ءابىش ۇلى ءوز جولداۋىندا ءداستۇرلى ءوندىرۋ سەكتورلارىنىڭ تيىمدىلىگىن ارتتىرۋعا باسا ءمان بەردى. ءبىزدىڭ وڭىردە قويىلعان مىندەتتەردى ورىنداۋ ءۇشىن بارلىق جاعداي بار» ، - دەپ تۇيىندەدى وبلىس اكىمى.

سونداي- اق ۆەدومستۆو ارالىق توپ يندۋستريالاندىرۋ كارتاسىنا ەنگىزىلگەن نىساندارمەن تانىستى.