يران رادار جانە زىمىران تەحنيكالارىنىڭ جاڭا ۇلگىلەرىن سىناقتان وتكىزدى
«حاتم ءال- ءانبيا» ءا ش ق بازاسى قولباسشىسىنىڭ ورىنباسارى گەنەرال ءالي رەزا سابباحيفاردتىڭ مالىمدەۋىنشە، ولار «يسباح ءال- حودا» كودتىق اتاۋىمەن جۇرگىزىلگەن مانيەۆرلەر كەزىندە بولدى.
پارسى شىعاناعىنداعى كيش ارالى جاتتىعۋ ورتالىعى بولدى، وندا جاڭا تەحنيكاعا يە بولعان اۋە شابۋىلىنا قارسى قورعانىس بولىمشەلەرى ورنالاسقان.
فارس اگەنتتىگى ۇرىس جاعدايىنا بارىنشا جاقىنداتىلعان تۇردە جاڭا پرەسپەكتيۆالى زەنيت زىمىراندارى، رادارلار مەن ارتيللەريا جۇيەلەرى سىناقتان وتكىزىلدى. سابباحفاردتىڭ ايتۋىنشا، مانيەۆرلەر ەلدىڭ ءارتۇرلى اۋداندارىندا بىرنەشە كەزەڭمەن وتكىزىلگەن.
«ءسويتىپ، ءبىز قارۋلاردىڭ جاڭا ۇلگىلەرىنە باعا بەرۋمەن قاتار، ەلدىڭ ءا ش ق اسكەرلەرىنىڭ جاۋىنگەرلىك دايارلىعىنىڭ ناقتى دارەجەسىن ايقىنداۋعا مۇمكىندىك الدىق» ، - دەپ اتاپ ءوتتى گەنەرال.
«حاتام ءال- ءانبيا» بازاسى زىمىران قارۋلارى مەن رادار جۇيەسىنىڭ زاماناۋي تۇرلەرى جاسالاتىن وزىق ورتالىق بولىپ تابىلادى. «راسسيد-32» دەپ اتالاتىن ولاردىڭ ءبىرى كيشتەگى مانيەۆرلەر كەزىندە سىناقتان ءوتتى. جۇيە قارسىلاستىڭ اۋەدەگى ۇشۋ ماقساتتارىنىڭ بيىكتىگى، جىلدامدىعى جانە باعىتى تۋرالى اقپارات جيناۋعا ارنالعان. بۇدان كەين بۇل مالىمەتتەر اۆتوماتتى تۇردە 15 شاقىرىمعا دەيىنگى قاشىقتا ورنالاسقان ءا ش ق كوماندالىق پۋنكتتەرىنە جىبەرىلەدى.
