اعىلشىن عالىمدارى ستۋدەنتتەرى ءۇشىن الاڭداپ وتىر
«ستۋدەنتتەر بىردە- ءبىر كىتاپتى وقىماي ج و و- نى ءتامامداپ جاتىر» ، - دەپ الاڭدايدى لوندون ۋنيۆەرسيتەتىندەگى اكادەميالىق دامۋ ينستيتۋتىنىڭ ساراپشى ماماندارى. كوپتەگەن ستۋدەنتتەر وزىنە قاجەتتى اقپاراتتى عالامتور بەتتەرىنەن جىلدام تابۋعا بەيىمدەلگەندىكتەن كىتاپحانادا ەسكىرگەن كىتاپتاردى پاراقتاپ، ۋاقىتىن جوعالتقىسى كەلمەيدى.
«كومپيۋتەرلىك ويىندار مەن الەۋمەتتىك جەلىلەردىڭ رەتى كوبەيگەن سايىن جاسوسپىرىمدەردىڭ بىلىمگە دەگەن قىزىعۋشىلىعى جوعالىپ بارادى» ، - دەيدى تاريح ءپانىنىڭ وقىتۋشى- پروفەسسورى ورلاندو فيدجەس.
"تايمس" عالامتور گازەتىندە جاريالانعان ماقالادا ستۋدەنتتەردىڭ مۇلدە ادەبي ساۋاتى جوعالعانى تۋرالى جازىلادى. ءبىر جاعىنان سلەنگ، قاربالاس ءومىر، ءبىر جاعىنان ادەبيەتكە دەگەن سۇيىسپەنشىلىكتىڭ جوعالۋىنا بايلانىستى اعىلشىن تىلىندە انتيپۋريستىك ۇدەرىستەر بايقالا باستاعانىن سوزگە تيەك ەتەدى. گەرمانيادا اتىمەن جوق پوەزيا انگليادا دا قۇردىمعا بارا جاتقان سەكىلدى. ساراپتاماعا سەنسەك، ءاربىر التىنشى لوندون تۇرعىنى شەرلوك حولمستىڭ كىم ەكەنىن نەمەسە ونىڭ اۆتورىن مۇلدە تانىمايتىن بولىپ شىقتى. ال ستۋدەنتتەردەن الىنعان ساۋالناما ولاردىڭ ادەبي ساۋاتىنا قاتىستى بولدى. ناتيجەسىندە، مۇمكىن بولعان 70 بالدان ورتاشا 27 بالدى عانا جيناۋعا شامالارى جەتكەن.
سونىمەن قاتار، ورلاندو ءوزى تاريح عىلىمىنىڭ پروفەسسورى بولعاندىقتان تاريحي اقپاراتتاردىڭ ونلاين قورلارىن تالداۋعا كىرىسكەن. تالداۋدان سوڭ عالامتورداعى ەلەكتروندى ەنتسيكلوپەديالاردىڭ كالليگرافيالىق قاتەلىكتەرىنەن بولەك، تاريحي- حرونولوگيالىق اعاتتىقتارى دا بار ەكەنىن ايتادى.
تەرەڭىرەك ويلانساق، دۇرىس- اق. ستۋدەنتتەر جىلدام اقپارات كوزدەرىنە ۇيرەنىپ قالعان. ەگەر وسى باعىتتا جالعاسا بەرسە، بولاشاقتا كىتاپحانالارىمىز مۇراعاتتارعا نەمەسە مۇراجايلارعا اينالۋى ابدەن مۇمكىن.
ال ءسىز قالاي ويلايسىز، قۇرمەتتى وقىرمان؟
دايىنداعان: جولداس ورىسبايەۆ
massaget
