امەريكالىق وتباسى اسىراپ العان قازاقستاندىق بالالار جىنىسىن اۋىستىرماق

استانا. قازاقپارات - دجەفف جانە مەري تيممونس اتتى ەرلى- زايىپتىلار قازاقستاننان ءۇش بالا، رەسەيدەن ءبىر بالا اسىراپ العان. وكىنىشكە وراي، قاي بالا ءبىزدىڭ ەلدەن قامقورلىققا الىنعانى بەلگىسىز. ايتەۋىر ورتانشى ۇلى ءبىر كۇنى قىز بولعىسى كەلەتىنىن، ال قىزى ۇل بولعىسى كەلەتىنىن جاريالاعان.

 ال اتا- انالارى بولسا، بالالاردىڭ بۇل تاڭداۋىنا قۇرمەتپەن قاراپ، ولاردىڭ تىلەكتەرىن ورىنداۋعا بەل بۋىپتى، دەپ حابارلايدى «ەكسپرەسس- ك» .

نيۋ- يوركتەگى وتباسىنىڭ مۇنداي توسىن جاڭالىعىن Timesledger باسىلىمى جاريالادى. اتا- انالارىنىڭ وتىنىشىمەن ولاردىڭ اتى- جوندەرى دە وزگەرتىلىپتى.

 گەبريەل گەبريەللاعا اينالعىسى كەلگەندە ەر بالا نەبارى تورتتە عانا بولعان ەكەن. «ونىڭ مىنەزى جۇمساق، نازىك، ماشينا، تاپانشامەن ەمەس، قۋىرشاقتارمەن وينايتىن» ، - دەيدى وتاعاسى دجەفف تيممونس.

  اعاسىنىڭ ىزىنشە قارىنداسى دجەيمي دە قىز ەمەس ۇل بولعىسى كەلەمىن دەپتى. دجەفف تيممونس بالالارىنىڭ مۇنداي قادامىنا سىنىپتاستارى قالاي قارايدى ەكەن دەپ الاڭداعان. الايدا ازىرگە ولاردىڭ دوستارىمەن قارىم- قاتىناستارى جاقسى.

 قازىر گەبريەللا توعىزدا. جىنىستىق جەتىلۋگە دەيىن وعان گورمونالدىق دامۋىن تەجەيتىن ارنايى پرەپاراتتار قابىلداۋ قاجەت. 16 جاسىندا ول ناقتى شەشىم قابىلداۋى ءتيىس. قاجەت بولعان جاعدايدا، وعان جاسالاتىن گورمونالدىق تەراپيا مەن حيرۋرگ سكالپەلى ونىڭ قىز بولۋ ارمانىن ورىنداي الادى.