قىتايلىقتار جاساندى جولمەن اسىل تۇقىمدى اقالتەكە جىلقىلارىن ءوسىردى

استانا. قازاقپارات - جۋىردا قىتايدىڭ سولتۇستىك-باتىسىنداعى شينجاڭ ۇيعىر اۆتونوميالىق ولكەسىندە اقالتەكە تۇقىمدى جىلقىلارى جاساندى جولمەن ءوسىرىلدى، دەپ حابارلايدى شينحۋا اگەنتتىگى.

«ساراپشىلار مەن مال دارىگەرلەرى 11 اي بۇرىن اقالتەكەنىڭ ۇرىعىن ەكى ىلە جىلقىسىنىڭ جاتىرىنا ەككەن بولاتىن. بۇل تەحنولوگيانى ءساتتى پايدالانا الساق، اقالتەكە مەن وزگە دە اسىل تۇقىمدى جىلقىلاردىڭ سانىن ارتتىرۋعا مۇمكىندىك الار ەدىك»، - دەيدى ماماندار.

تەكەس شينجاڭ ۇيەزى مال شارۋاشىلىعى باسقارماسى ماماندارىنىڭ ايتۋىنشا، قۇلىندار مامىردىڭ سوڭىندا تۋعان، قازىر ولاردىڭ جاعدايى جاقسى. جاڭا ورتانىڭ اۋارايىنا دا بىرتە-بىرتە بەيىمدەلىپ كەلەدى. جەرگىلىكتى حالىق اقالتەكەنى - «اسپان پىراعى» دەپ اتايتىن كورىنەدى.

دەرەككوز: BNews.kz