قىتايدىڭ ءىرى كاسىپورنىندا كۇشتى جارىلىس بولدى

استانا. قازاقپارات - قىتايدىڭ نانكينە قالاسىنداعى حيميالىق زاۋىتتا كۇشتى جارىلىس ورىن الدى.

قازىرگە وقيعا سالدارىنان قازا تاپقاندار جايلى ەشقانداي مالىمەت جوق.

«شىعىس قىتايدىڭ جياڭسۋ پروۆينسياسىنداعى اكىمشىلىك ورتالىعىنا قاراستى نانكين قالاسىندا ءىرى حيميالىق كاسىپورنىندا كۇشتى جارىلىس بولدى. وقيعا ورنىنا ونداعان ءورت ءسوندىرۋ ماشيناسى مەن جەدەل جاردەم كولىكتەرى دەر كەزىندە جەتىپ، ءتيىستى قىزمەتتەرىن اتقارۋدا. ال جارىلىسقا قاتىستى مالىمەت جەرگىلىكتى ۋاقىت بويىنشا 13:00 شاماسىندا تىركەلگەن. قۇتقارۋ، تەكسەرۋ جۇمىستارى جۇرگىزىلۋ ۇستىندە. قازىرگە جارىلىستىڭ سەبەپ- سالدارى انىقتالۋدا» - دەپ حابارلايدى الەمدىك اقپارات قۇرالدارى.

Baq.kz