مينسك - مەديا سالادا پىكىر الماسۋعا جاقسى الاڭ - داۋرەن دياروۆ

مينسك- استانا. قازاقپارات - مينسك - مەدياسالاداعى ساراپشىلىق پىكىر الىسۋ ءۇشىن جاقسى الاڭ بولىپ تابىلادى. «قازاقپارات حالىقارالىق اقپارات اگەنتتىگىنىڭ باس ديرەكتورى داۋرەن دياروۆ بەلتا تىلشىسىنە وسىنداي پىكىرىن ءبىلدىردى.

د. دياروۆ «بولاشاق يگىلىگى جولىنداعى ارىپتەستىك: جاھاندىق الەمنىڭ بۇگىنگى بولمىسى» تاقىرىبىنداعى 9- بەلارۋس حالىقارالىق مەديافورۋمنىڭ جۇمىسىنا قاتىسۋدا.

«ماعان اقپاراتتىق اگەنتتىك باسشىسى رەتىندە ادامدارمەن تانىسۋ پايدالى، ال مەديا فورۋمعا جىل سايىن قىزىقتى ساراپشىلار كەلەدى. ءبىز ولارمەن سونىڭ ىشىندە ب ا ق سالاسىنداعى جاڭا ترەندتەردى تالقىلايمىز» ، - دەدى داۋرەن دياروۆ.

 بيىلعى جىلى فورۋم قاتىسۋشىلارى بەلارۋستىڭ نەمىس- فاشيست باسقىنشىلارىنان ازات ەتىلۋىنىڭ 70 جىلدىعى سياقتى ماڭىزدى تاقىرىپقا كوڭىل بولۋدە. بۇدان باسقا، 21 - عاسىردىڭ قاۋىپ- قاتەرلەرى مەن ىعىتتارى، حالىقارالىق قوعامداستىقتىڭ جانجالدار مەن سوعىستاردى بولدىرماۋداعى ءرولى جونىندە اڭگىمە قوزعالادى. وسىعان بايلانىستى «قازاقپارات» باس ديرەكتورى ۇلى جەڭىستى جاقىنداتقان بارلىق ەلدەر ءۇشىن ەكىنشى دۇنيەجۇزىلىك سوعىس تاقىرىبى وزەكتى ەكەنىن اتاپ ءوتتى. «قازاقستان اۋماعىندا سوعىس قيمىلدارى بولماعانمەن، ءبىز تۋىسقان حالىقتارىمىرىزبەن بىرگە جەڭىستى كۇندەردى جاقىنداتۋعا كۇش سالدىق» ، دەدى ول.

 داۋرەن دياروۆ كەشە بەلارۋس پرەزيدەنتى الەكساندر لۋكاشەنكو «تروستەنەتس» مەموريالدىق كەشەنى قۇرىلاتىن جەرگە ەسكەرتكىش كاپسۋلا سالعانىن اتاپ ءوتتى. «ەكىنشى دۇنيەجۇزىلىكتىڭ سوعىستان كەيىن بىرنەشە ونجىلدىقتار وتكەنىنە قاراماستان فاشيزممەن كۇرەس بۇرىنعىشا قىزۋ تالقىلاناتىن تاقىرىپ بولىپ وتىر» ، - دەدى ول.