12:35, 09 - ماۋسىم 2014 | GMT +5
ۆاتيكاندا العاش رەت قۇران وقىلدى
استانا. قازاقپارات - ۆاتيكان اۋماعىندا العاش رەت قاسيەتتى قۇران اياتتارى وقىلىپ، دۇعا جاسالدى، دەپ جازادى muslim.kz.
بۇل وقيعا پاپا فرانسيسكتىڭ يزرايلدىكتەر مەن پالەستينالىقتار اراسىنداعى بەيبىتشىلىككە قول جەتكىزۋ ماقساتىندا ەكى ەل باسشىلارىن شاقىرعان جيىنىندا ورىن الدى.
ايتا كەتەيىك، پاپا فرانسيسك ءدىن ارالىق مەرەكەلىك شاراعا يزرايل پرەزيدەنتى شيمون پەرەز بەن پالەستينا اۆتونومياسىنىڭ پرەزيدەنتى ماحمۇد ابباستى ارنايى شاقىرعان بولاتىن. سونداي-اق، بۇل كەزدەسۋگە ءارتۇرلى ءدىن وكىلدەرى دە قاتىسىپ، ءوز ويلارىن ورتاعا سالدى.
شارا بارىسىنان تىكەلەي ءتۇسىرىلىم جۇمىستارى بولاتىنىن ۋادە ەتكەن ۆاتيكان بيلىگى بۇل كەزدەسۋدىڭ «ساياساتتا ءۇزىلىس» جاسايتىنىنا سەنىمدى.
