عالىمدار: اشىعۋ قاتەرلى ىسىككە ۇشىراعان ادامدارمەن قاتار قارت ادامدارعا دا پايدالى

استانا. قازاقپارات - وڭتۇستىك كاليفورنيا ۋنيۆەرسيتەتى كۇتپەگەن زەرتتەۋلەرىن جاريالادى، دەپ حابارلادى روسبالت.

باقساق، 4 كۇننەن اسپايتىن ۋاقىتپەن كەزەڭدەرگە شەكتەلمەگەن اشىعۋ يممۋندىق جۇيەنى قالپىنا كەلتىرەتىن كورىنەدى. ادامداردا لەيكوتسيت دەڭگەيى ارتادى.

اشىعۋ اسىرەسە يممۋندىق جۇيەسى السىرەگەن، مىسالعا قاتەرلى ىسىكپەن اۋىراتىن ادامدار ءۇشىن ءتيىمدى بولادى، دەپ حابارلايدى Meddaily.

سونداي-اق ۋاقىتشا تاماقتان باس تارتۋ حيميالىق تەراپيانىڭ جاعىمسىز اسەرلەرىن جويادى. اشىعۋ كەزىندە دەنەدەگى ءدىڭ جاسۋشىلارى لەيكوتسيتتەردى ءوندىرىپ، تۇتاستاي العاندا بۇكىل يممۋندىق جۇيەگە كۇش-قۋات بەرەدى.

سونىڭ اسەرىنەن اشىعۋ جاعدايىندا دەنە ەنەرگيانى بارىنشا ساقتاۋعا تىرىسادى، بۇل ۇدەرىستىڭ جاعىمدى جاعى - ادامدار ەسكى، ءالسىز نەمەسە زاقىمدانعان يممۋندىق جاسۋشالاردان قۇتىلادى.

بۇدان بۇرىن ماماندار اۋرۋ ادامداردىڭ اشىعۋىنا ءۇزىلدى-كەسىلدى قارسى شىققان بولاتىن. ەندى ءبارى دە باسقاشا وزگەرىپ وتىر. اشىعۋ قاتەرلى ىسىككە ۇشىراعان ادامدارمەن قاتار قارت ادامدارعا دا پايدالى.