قىتايلىقتار ەندى الەمنىڭ اسەم جەرلەرىن تاماشالاۋ ءۇشىن الىسقا بارمايتىن بولدى

استانا. قازاقپارات - قىتايلىقتار الەمگە تانىمال عيماراتتاردىڭ كوشىرمەلەرىن جاسادى.

ەل اۋماعىندا الەم جۇرتى نازار اۋدارارلىق عيماراتتاردىڭ كوشىرمەسى سالىنۋدا.

ماسەلەن، شاڭحايدان كولىكپەن 40 مينۋتتىق جەردە گوت شىركەۋى مەن ەرەكشە كوشەلەرى بار بريتاندىق ەلدى مەكەندى تاماشالاۋعا بولادى.

بۇل قالاشىقتىڭ قۇرىلىسىنا 300 ميلليون ا ق ش دوللارى جۇمسالعان. مۇنداي كوشىرمە جوبالاردىڭ دەنى اۋقاتتى ادامداردىڭ مەنمەنشىلدىگىنىڭ ءبىر كورىنىسى دەسە دە بولادى. سەبەبى ولاردىڭ كەيبىرى ءدال ءۇيىنىڭ قاسىندا ءوز ەيفەل مۇناراسىنىڭ بولعانىن قالايدى ەكەن. اتالعان كوشىرمەلەردىڭ اۋقىمى تۇپنۇسقامەن سالىستىرعاندا بىرنەشە ەسە كىشى بولعانىمەن، ولاردى اينىتپاي سالۋدىڭ ءوزى ماقتان تۇتۋعا تۇرارلىق.

24.kz