ق ر پرەمەر-ءمينيسترى ك. ءماسىموۆ ۋكراينا ۇكىمەتىنىڭ باسشىسىمەن ءوزارا كەلىسىمگە كەلدى
بۇل تۋرالى ۋكراينالىق مينيسترلەر كابينەتىنىڭ باسپاءسوز قىزمەتىنە سىلتەمە جاساپ ر ي ا نوۆوستي حابارلايدى.
ايتا كەتەيىك، كارىم ءماسىموۆ كيەۆكە سەنبى كۇنى وتكەن ۋكراينا پرەزيدەنتى پەترو پوروشەنكونى ۇلىقتاۋ راسىمىنە قازاقستاندىق دەلەگاسيانى باسقارىپ كەلگەن.
«ەكى ەلدىڭ مەملەكەت باسشىلارى جاقىن ارادا ەكونوميكالىق ىنتىماقتاستىق جونىندە بىرىككەن مەملەكەت ارالىق قازاقستاندىق-ۋكرايندىق كوميسسيانىڭ كەزەكتى وتىرىسىن وتكىزۋ تۋرالى ءوزارا كەلىسىمگە كەلدى. بۇل شارادا ءبىرقاتار پەرسپەكتيۆالى ەكىجاقتى جوبالار، اتاپ ايتقاندا، عارىش سالاسىنداعى جوبالار بولاشاعى قاراستىرىلماق»، - دەلىنگەن حابارلامادا.
كەزدەسۋ بارىسىندا ياسەنيۋك قازاقستان مەن ۋكراينانىڭ اراسىنداعى ساۋدا-ەكونوميكالىق بايلانىستاردىڭ ماڭىزدى رولىن اتاپ ءوتتى. ونىڭ ايتۋىنشا، ۋكراينا ءۇشىن قازاقستان نارىعى ماڭىزدى.
سونداي-اق ول قازاقستاننىڭ ەۋرازييالىق ەكونوميكالىق وداققا مۇشە بولۋى سەبەپتى ەكىجاقتى ساۋدا-ساتتىقتىڭ ءوزارا ءتيىمدى جولدارىن تابۋ قاجەتتىگىن باسا ايتتى.
