جاپوندىق حانزادا ينفەكتسيادان كوز جۇمدى
بۇل تۋرالى جاپوندىق ب ا ق يمپەراتورلىق سارايدىڭ باسقارماسىنا سىلتەمە جاساپ حابارلادى.
بۇگىن تاڭەرتەڭ حانزادا شۇعىل تۇردە ينفەكتسيالىق دەرتتىڭ سالدارىنان دەنساۋلىعىنىڭ ناشارلاۋىنا بايلانىستى اۋرۋحاناعا جەتكىزىلگەن.
دارىگەرلەر جەرگىلىكتى ۋاقىت بويىنشا ساعات 10:55 تە ونىڭ ءولىمىن بەلگىلەدى.
حانزادا كاتسۋرا يمپەراتور اكيحيتونىڭ اعاسى تاكاحيتونىڭ ەكىنشى ۇلى. ول يمپەراتورلىق تاق مۇراگەرلەرى ۇمىتكەرلەرىنىڭ اراسىندا التىنشى بولدى.
كاتسۋرا توكيوداعى گاكۋسيۋين ۋنيۆەرسيتەتىندە قۇقىق فاكۋلتەتىن جانە اۆستراليالىق ۇلتتىق ۋنيۆەرسيتەتتى ءتامامداعان. ۇزاق جىلدار بويى جاپوندىق NHK تەلەراديو كورپوراتسياسىندا اكىمشىلىك قىزمەتتى اتقاردى. 1988 - جىلى حانزادا ينسۋلتكە شالدىعىپ، وسىدان كەيىن دەنساۋلىعى ناشارلادى. دەگەنمەن دە ول دەرتىنە قاراماستان جاپونيا مەن اۆستراليا جانە جاڭا زەلانديا اراسىنداعى ەكىجاقتى قاتىناستاردى دامىتۋدا بەلسەندى جۇمىستار جۇرگىزگەن كورىنەدى.
اۆتور: رۋسلان عابباسوۆ
