قازاقستان بارىسى. باتىرىڭدى قولداۋعا كەل دە، كولىك ۇتىپ ال

استانا. قازاقپارات - 29 - ماۋسىم كۇنى قازاق كۇرەسىنەن ۇلت كوشباسشىسى - قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ جۇلدەسى ءۇشىن «قازاقستان بارىسى» ءتۋرنيرىنىڭ فينالدىق باسەكەسى وتەدى.

 ء«تول كۇرەسىمىزدەن وسىمەن 4-رەت ۇيىمداستىرىلاتىن دوداعا جىل سايىن 8 ميلليونعا جۋىق جانكۇيەر قىزىعۋشىلىق تانىتادى. جىلدىڭ ەڭ ايتۋلى سپورتتىق وقيعاسى استانا قالاسىنىڭ تۋعان كۇنىنە وراي وتەتىن ءتۇرلى مەرەكەلىك ءىس-شارالاردىڭ باستاماسى بولماق»، - دەلىنگەن «قازاقستان بارىسىنىڭ» رەسمي سايتىندا.

ايتا كەتەيىك، «قازاقستان بارىسى» تۋرنيرىندە «التىن بەلبەۋ» مەن «تايتۇياقتىڭ» عانا ەمەس، سونىمەن قاتار Hyundai Elantra اۆتوكولىگىنىڭ يەسى دە انىقتالادى.

«سۋ جاڭا كولىكتى ۇتىپ العىڭىز كەلسە، باعاسى 1000/3000/5000 تەڭگە تۇراتىن بيلەتتەردى ساتىپ الىڭىز! كورەرمەندەردى تەمىر تۇلپاردان بولەك ءتۇرلى توسىن سىي كۇتۋدە. ارينە، ەڭ باستى تارتىس كىلەمدە وتەدى. باتىرىڭدى قولداۋعا كەل دە، كولىك ۇتىپ ال!»، - دەلىنگەن حابارلامادا.

اۆتور: رۋسلان عابباسوۆ