اتىراۋدا بالىقتاردىڭ قىرىلۋىنان كەيىن ايماقتاعى بارلىق سۋ قويمالارى تەكسەرىلۋدە - كەسكىن
«ءبىرىنشى كەزەكتە ورال وزەنىنەن سۋ اۋىلشارۋاشىلىق جەرلەرىنە كەلىپ قۇيىلاتىن كانالدار تەسكەرىلەدى. ولار جۇزدەگەن شاقىرىمعا سوزىلىپ جاتىر. جۇمىستىڭ اۋقىمدىلىعىنا قاراماستان، ءبىز ورال وزەنىنىڭ بالىعىنىڭ باسقا كانالدارعا تۇسكەن-تۇسپەگەنىن انىقتاۋعا ءتيىسپىز. وزەننەن وقشاۋلانعان سۋ قويمالارىنا دا تەكسەرۋلەر جۇرگىزىلەدى، سەبەبى ولاردا دا كۇننىڭ ىسۋىنا بايلانىستى بالىقتار جاپپاي قىرىلا باستاۋى مۇمكىن. بالىقتاردىڭ قىرىلۋ قاۋپى انىقتالعان جەرلەردە ونى اۋلاۋ نەمەسە قۇتقارۋ جۇمىستارى ۇيىمداستىرىلادى»، - دەدى اتىراۋ وبلىستىق تابيعاتتى قورعاۋ پروكۋرورى قايرات وتەۋليەۆ.
ەستەرىڭىزگە سالا كەتەيىك، وتكەن اپتادا اتىراۋ قالاسىنان 60 شاقىرىم قاشىقتىقتاعى ورال وزەنىنىڭ سۋى القاپتارعا كەلىپ قۇياتىن كانالدا ۇساق بالىقتار جاپپاي قىرىلعان ەدى. وسىعان بايلانىستى تەكسەرۋ جۇمىستارى قولعا الىنعان. ازىرگە گيدروتەحنيكالىق قۇرىلعىلاردىڭ ىستەن شىعۋى بۇعان سەبەپ بولعان دەگەن بولجام جاسالىپ وتىر.
