الماتىدا تۇڭعىش رەت «قىلمىستىق-اتقارۋ جۇيەسىنىڭ ارۋى» بايقاۋى ءوتتى - فوتو

الماتى. قازاقپارات - الماتىدا ق ر اسكەريلەر ۇيىندە (بۇرىنعى وفيسەرلەر ءۇيى) تۇڭعىش رەت الماتى قالاسى مەن الماتى وبلىسىنىڭ قىلمىستىق-اتقارۋ جۇيەسىنىڭ نازىك جاندى قىزمەتكەرلەرى اراسىندا «قىلمىستىق-اتقارۋ جۇيەسىنىڭ ارۋى» اتتى وبلىستىق بايقاۋ ءوتتى، دەپ حابالادى الماتى قالاسى مەن الماتى وبلىسى بويىنشا قىلمىستىق-اتقارۋ جۇيەسى دەپارتامەنتىنەن.

«مۇنداي مادەني-بۇقارالىق شارا بىزدە ءبىرىنشى رەت وتكىزىلىپ جاتىر. ول «قازاقستان پوليسياسى كۇنى» مەرەكەسى قارساڭىندا ۇيىمداستىرىلدى. بۇل بايقاۋعا وزدەرىنىڭ تۇزەتۋ مەكەمەلەرىندە ىرىكتەۋ تۋرلارىنان وتكەن 10 نان استام بويجەتكەن قاتىستى»، - دەدى ءوز سوزىندە دەپارتامەنت باستىعىنىڭ ورىنباسارى ەرنات اقىلجانوۆ.

بايقاۋعا قاتىسۋشىلار بىرنەشە اتالىمدار بويىنشا باق سىناستى. ولار: زياتكەرلىك قابىلەتى، بيلەي ءبىلۋ، ءان شىرقاۋ نەمەسە مۋزىكالىق اسپاپتا ويناۋ جانە ايەل زاتىنىڭ سۇلۋلىعىن، سىمباتتىلىعىن، نازىكتىگىن، ساندىلىگىن پاش ەتۋ.

قازىلار القاسىنىڭ قۇرامىنا الماتى قالاسىنىڭ مادەنيەت جانە ونەر قايراتكەرلەرى، سونىمەن قاتار ۇكىمەتتىك ەمەس ۇيىمداردىڭ، اۋعان سوعىسى ارداگەرلەرى كەڭەسىنىڭ جانە قىلمىستىق-اتقارۋ جۇيەسىنىڭ ءوكىلدەرى ەندى.

ولار ءبىراۋىزدان «قىلمىستىق-اتقارۋ جۇيەسىنىڭ ارۋى» اتاعىن قىلمىستىق-اتقارۋ ينسپەكسياسىنىڭ ينسپەكتورى، ادىلەت كاپيتانى گاۋحار قاسىموۆاعا تابىستادى. ال «قىلمىستىق-اتقارۋ جۇيەسىنىڭ 1-ۆيسە ارۋى» اتاعىن الماتىداعى تەرگەۋ اباقتىسىنىڭ قىزمەتكەرى ەكاتەرينا ترەبۋحوۆا جەڭىپ السا، الماتى قالاسىنىڭ الاتاۋ اۋداندىق قىلمىستىق-اتقارۋ ينسپەكسياسىنىڭ ينسپەكتورى بالجان رىسبايەۆا «قىلمىستىق-اتقارۋ جۇيەسىنىڭ 2-شى ۆيسە ارۋى» اتاندى.

بايقاۋدىڭ جەڭىمپازدارى مەن قاتىسۋشىلارىنا ماقتاۋ گراموتالارى مەن قۇندى سىيلىقتار تابىس ەتىلدى.