قازاقستان مەن كۋبا اراسى جاقىنداي تۇسپەك
ساپار بارىسىندا قازاقستاندىق ديپلومات كۋبانىڭ سىرتقى ىستەر ءمينيسترى برۋنو رودريگەسپەن كەزدەسىپ، قازاقستان پرەزيدەنتى ن. نازاربايەۆتىڭ كۋبا مەملەكەتتىك كەڭەسى مەن مينيسترلەر كەڭەسىنىڭ ءتوراعاسى راۋل كاستروعا باعىتتالعان حاتىن تاپسىردى. سونىمەن قاتار كەزدەسۋ بارىسىندا ە.اشىقبايەۆ ق ر سىرتقى ىستەر ءمينيسترى ە. ىدىرىسوۆتىڭ اتىنان كۋبا سىرتقى ساياسي ۆەدومستۆوسى باسشىسىن استاناعا رەسمي ساپارمەن كەلۋگە شاقىردى. كۋبالىق تاراپ بۇل شاقىرۋدى ريزاشىلىقپەن قابىلدادى، دەپ حابارلايدى ق ر س ءى م باسپا ءسوز قىزمەتىنەن.
قازاقستاندىق دەلەگاسيا كۋبا سىرتقى ىستەر ءمينيسترىنىڭ ورىنباسارى روحەليو سيەررا باسقارعان كۋبالىق دەلەگاسيامەن ۆەدومستۆوارالىق كونسۋلتاسيالار وتكىزدى. مۇندا ب ۇ ۇ جانە باسقا دا حالىقارالىق ۇيىمدار شەڭبەرىندەگى ىنتىماقتاستىق ماسەلەلەرى تالقىلاندى. تاراپتار ساياسي ديالوگتىڭ كۇشەيۋى مەن ەكىجاقتى قۇقىقتىق نەگىزدىڭ دايەكتى تۇردە كەڭەيۋىن اتاپ ءوتتى. اعىمداعى جىلى ءبىلىم جانە سپورت سالاسىنداعى كەلىسىمدەردىڭ بەكىتىلۋى وسىعان ايعاق بولىپ تابىلادى.
ساۋدا-ەكونوميكالىق جانە ينۆەستيسيالىق ارىپتەستىكتى كەڭەيتۋ قاجەتتىلىگىنە دە ەرەكشە نازار اۋدارىلدى. ق ر دەلەگاسياسىنىڭ كۋبالىق جەتەكشى بيوفارماسەۆتيكالىق جانە حيميالىق ونىمدەردى شىعاراتىن كاسىپورىن «لابيوفام» جانە گەندىك ينجەنەريا مەن بيوتەحنولوگيالار ورتالىعىنا ساپارلارى ناتيجەسىندە دەنساۋلىق ساقتاۋ سالاسىنداعى ىنتىماقتاستىق پەرسپەكتيۆالارى بەلگىلەندى. وسى بايلانىستاردى جانداندىرۋ ماقساتىندا ءوزارا ينۆەستيسيالاردى قولداۋ جانە قورعاۋ، سونداي-اق قوسارلانعان سالىق سالۋدى بولدىرماۋ بويىنشا ەكى جاقتى كەلىسىمدەردى بەكىتۋ تۋرالى ۋاعدالاستىققا قول جەتكىزىلدى.
ە. اشىقبايەۆ جانە ر. سيەررا ق ر مەن كۋبا اراسىنداعى ۆيزالىق ءتارتىپتى ودان ءارى جەڭىلدەتۋدى قولدايتىندارىن دا اتاپ ءوتتى. بۇل ەكى ەلدىڭ ىسكەرلىك اياسىنداعى بايلانىستارىنىڭ كەڭەيتىلۋىنە جانە تۋريستىك الماسۋدىڭ ارتۋىنا جول اشپاق.
سونداي-اق قازاقستاندىق ديپلومات كۋبانىڭ سىرتقى ساۋدا جانە شەتەل ينۆەستيسيالارى ءمينيسترىنىڭ ورىنباسارى يليانا نۋنەسپەن كەزدەسۋىندە ەكىجاقتى ىنتىماقتاستىقتىڭ پەرسپەكتيۆالى باعىتتارى رەتىندە ەنەرگەتيكا سالاسىن، سونىڭ ىشىندە جاڭارتىلعان ەنەرگيا كوزدەرى مەن جاسىل تەحنولوگيالاردى دامىتۋدى بەلگىلەدى. استانادا وتكىزىلەتىن ەكسپو-2017 حالىقارالىق كورمەسى قارساڭىندا اتالمىش باعىت ايرىقشا ماڭىزدى بولىپ تابىلادى. تاراپتار ەكى ەل وكىلدەرىنىڭ جىل سايىن ورىن الاتىن استانا ەكونوميكالىق فورۋمى مەن گاۆانالىق «FIHAV» ساۋدا جارمەڭكەسىنە قاتىسۋدىڭ ماڭىزدىلىعىن باسا اتاپ ءوتتى.
بۇل ساپارىندا ە. اشىقبايەۆ كۋبا كوممۋنيستىك پارتياسى ورتالىق كوميتەتىنىڭ سىرتقى ىستەر دەپارتامەنتى باسشىسىنىڭ ورىنباسارى وسكار مارتينەس پەن كۋبانىڭ حالىق بيلىگى ۇلتتىق اسسامبلەياسى ءتوراعاسىنىڭ ورىنباسارى انا ماريا ماچادومەن كەزدەستى. تاراپتار پارلامەنتارالىق بايلانىستاردى ەكىجاقتى فورماتتا دا، ءارى حالىقارالىق بىرلەستىكتەر شەڭبەرىندە دە كەڭەيتۋ، ق ر جانە كۋبانىڭ ساياسي پارتيالارى اراسىندا تىكەلەي ديالوگ ورناتۋ، سونىمەن قاتار يادرولىق قارۋسىزدانۋ مەن ونى تاراتپاۋ سالاسىنداعى ىنتىماقتاستىقتى قولدايتىندارىن اتاپ ءوتتى.
ساپار سوڭىندا ق ر سءى م باسشىسىنىڭ ورىنباسارى كۋبانىڭ ۇلتتىق قاھارمانى حوسە مارتي ەسكەرتكىشىنە گۇلشوعىن قويىپ، كۋبالىق ب ا ق-قا ەكسكليۋزيۆتى سۇحبات بەردى.
