قازاقستاندىق زەينەتكەر كولىك پەن ەلەكتر ستانساسىن اۋا ارقىلى جۇمىس ىستەتۋ ءادىسىن جاسادى

استانا. قازاقپارات - كولىك پەن ەلەكتر ستانساسىن اۋا ارقىلى جۇمىس جاساتۋدىڭ ءادىسىن اقتوبەلىك زەينەتكەر بىلەدى.

ءوزىنىڭ اۆتورلىق يدەيالارىنا 27 جىل ىشىندە 4 پاتەنت العان. ەندى قاريا تۋىندىسىن «ەكسپو-2017» كورمەسىنە قويۋدى جوسپارلاپ وتىر.

باقبەرگەن تاحانوۆ ۇزاق جىل بويى قۇرىلىس سالاسىندا ەڭبەك ەتكەن. تىڭ جاڭالىعىن اشۋعا 1986 - جىلى كولىككە قاجەت جانارماي تاپپاي قينالعان كەزى تۇرتكى بولعان.

باقبەرگەن تاحانوۆ، ونەرتاپقىش:

- اۆتوبازاعا كولىك سۇراۋعا بارسام، ەش جەردە بەنزين جوق. ءبىر جۇرگىزۋشى «مەن اۋامەن جۇرەم بە»، - دەپ ايتتى. ىزدەنىسكە تولى كوپ جىل تەككە كەتپەدى. ول اۋانىڭ قىسىمىمەن جۇرەتىن قوزعالتقىش ويلاپ تاپتى.

ويىنداعىسىن ىسكە اسىرۋعا قاراجاتى بولماعاندىقتان، جاۋاپتى تالاي مەكەمەنىڭ ەسىگىن توزدىرعان. بىلتىر ءتورت زەرتتەۋ ەڭبەگىنە پاتەنت العان. جوعارعى قىسىمدى اۋامەن جۇمىس ىستەيتىن ەلەكتر ستانساسى، كولىك قۇرالىنا قاجەت جاساندى تارتىلىس قوندىرعىسى جانە اۆتونومدى جۇيەگە كەرەك جاساندى موتور سەكىلدى جاڭالىقتار اشقان.

اۆتوردىڭ ايتۋىنشا، جوبالار كوپ قارجىنى قاجەت ەتپەيدى. ماسەلەن، شاعىن ەلەكتر ستانساسىنىڭ جۇمىس ىستەۋ ءتاسىلى وتە قاراپايىم.

باقبەرگەن تاحانوۆ، ونەرتاپقىش:

- 300 تەكشە مەترلىك سيستەرنانى اۋامەن كومپرەسسور (اۋا سىعىمداعىش) ارقىلى تولتىرامىز. كومپرەسسور جاساندى-گراۆيتاسيالىق قوزعالتقىش ارقىلى جۇمىس ىستەيدى. مۇنداي 20 قوندىرعى بۇكىل قازاقستانعا جەتەدى. زەينەتكەر ءوز ەڭبەكتەرى جايىندا قازاقستانعا عانا ەمەس، ا ق ش-قا دا مالىمدەپ حات جازعان. ماقساتى - «ەكسپو-2017» كورمەسىنە قاتىسۋ. ىزدەنىسىن توقتاتپاعان اقساقال ءوزى اشقان جاڭالىقتىڭ كادەگە جارارىنا سەنىمدى.

24.kz