قازاق تىلىنە قۇرمەت - قازاق ەلىنە قۇرمەت بولماق

استانا. قازاقپارات - باسقا ۇلتتار تاراپىنان مەملەكەتتىك ءتىلدى ۇيرەنۋگە دەگەن قۇلشىنىس انىق بايقالادى. پاۆلودار وبلىسىندا وتكەن جىلى ون بەس مىڭعا جۋىق، ال، بيىلعى جىلى التى مىڭعا جۋىق ادام ءتىل ۇيرەنۋ كۋرسىنا باردى.

ونىڭ 40 پايىزعا جۋىعى وزگە ەتنوس وكىلدەرى. «دوستىق» ۇيىندە 21 ۇلتتىق-مادەني ورتالىق بار. ولارعا ءوز تىلىمەن بىرگە مەملەكەتتىك ءتىلدى تەگىن ۇيرەنۋگە بارلىق جاعداي جاسالعان.

80 ساعاتتىق باعدارلاما بويىنشا ەكى ساعاتتان ەكى اي وتكىزىلەتىن كۋرسقا ولار تەگىن بارا الادى. وسىنى ەسكەرە كەلە، ءار ەتنوس ءوز ارالارىنان قازاقپەن قازاقشا ەركىن سويلەسە الاتىن كەمىندە ءبىر ادامنان دايىنداۋعا ۋاعدالاستى.

ال، ەلەنا گاركاۆا «دوستىق» ءۇيىنىڭ مادەني جاڭالىقتارىن قازاق تىلىندە باسپاعا بەرىپ وتىرماق. 

ەلەنا گاركاۆا، ۋكراين ۇلتتىق-مادەني ورتالىعىنىڭ وكىلى:

- قازاقستاندا كەز-كەلگەن جەردە جۇمىس ىستەي الامىن. سەبەبى، مەن ورىسشا دا، قازاقشا دا ەركىن سويلەي الامىن. سونىمەن قاتار، قازىرگى كەزدە شەتەل ءتىلىن ۇيرەنىپ ءجۇرمىن. قازىرگى جاستار قىزىعا قارايدى دەۋگە بولادى. سەبەبى، ولاردى باسقا ءبىر ۇلتتىڭ سالت-داستۇرلەرى، ادەبيەتى قىزىقتىرادى.  

ۇلتتىق بىرلىككە ۇيىتقى بولاتىن وسىنداي باستامالار، دەيدى قازاق الىپپەسىن ولەڭمەن ورگەن اقىن سوۆەتقازى نۇرسيلا. الايدا، بەس ساۋساق بىردەي ەمەس. پاۆلودارداعى جارناما اگەنتتىكتەرى قازاقشا سوزدەردەن قاتە جىبەرۋ بىلاي تۇرسىن، اۋدارمالارىنداعى سويلەمدەردىڭ ەش ءمان-ماعىناسى جوق.  

سوۆەتقازى نۇرسيلا، اقىن، قوعام قايراتكەرى:

- «ءبىز رادى سىزدەردى كور قىلۋىمىزعا»، دەيدى. «ءبىزدىڭ باعالارىمىز سىزدەردى اڭقايتادى»، دەيدى. بۇل ەندى قازاق ءتىلىن مازاقتاۋ دەپ تۇسىنەمىن. اكىمدىكتە ىشكى ساياسات بار. ءتىل كوميتەتى بار. ءتىل كوميتەتى قايدا قاراپ وتىر، دەگەن وي سىزدەرگە الىپ كەلدى.   ءتىلدى ۇيرەنۋ، وتاندى ءسۇيۋ. ءبارى بالاباقشا مەن مەكتەپتەن باستالادى. قازاق سىنىبىنا بارۋعا بالاباقشادا دايارلانىپ جاتقان بالالاردىڭ قاتارىندا باسقا ۇلت وكىلدەرى كوپ.  

اۆتور: بولات امانبايەۆ

kaztrk.kz