جالعان اقپارات تاراتقان تالاپكەر ءبىلىم جانە عىلىم مينيسترىنەن كەشىرىم سۇرادى

استانا. قازاقپارات - ۇ ب ت-دا «سىرا زاۋىتىنىڭ اشىلعان ۋاقىتى» دەگەن ساۋال بار دەپ اقپارات تاراتقان پەتروپاۆلدىق اينۇر سەرىك ءبىلىم جانە عىلىم مينيسترىنەن كەشىرىم سۇرادى.

كەشىرىم حاتتا ول جالعان اقپارات ايتقانىن مويىنداپ، «بارلىق ساۋالدار مەكتەپ باعدارلاماسىنا ساي كەلدى»، دەگەن.

ەستەرىڭىزگە سالامىز، 6-ماۋسىم كۇنى وتكەن باسپا ءسوز كونفەرەنسيادا ءبىلىم مينيسترلىگىنىڭ وكىلدەرى ءمانسىز سۇراقتار تەستتە جوق ەكەنىن ايتىپ، اينۇر سەرىكتىڭ «قازاقستان تاريحىنان تاپسىرعان» ساۋالدارىن كورسەتكەن.

سونداي-اق، ءبىلىم جانە عىلىم ۆيسە-ءمينيسترى كوميسسيا مۇشەلەرىنىڭ سىناق بارىسىندا وقۋشىلارمەن دورەكى سويلەسكەنى دالەلدەنسە، جازالانادى، ءتىپتى جۇمىستان بوساتىلادى، دەدى.

ءمينيستردىڭ ورىنباسارى ەموسياعا بەرىلىپ، تەلەارنالارعا سۇحبات بەرگەن وقۋشىلار جايىندا دا ءوز پىكىرىن بىلدىردى.  

تاكير بالىقبايەۆ، ق ر ءبىلىم جانە عىلىم ۆيسە-ءمينيسترى:

- بالانى تىنتگەن، شەشىندىرگەن فاكت بولعان جوق. پروكۋراتۋرا تولىق تەكسەرسىن، سودان كەيىن ناتيجەسىن سىزدەرگە ايتامىز. 

kaztrk.kz