07:49, 08 - ماۋسىم 2014 | GMT +5
پوروشەنكو ۇلىقتاۋ كۇنى اتا بولدى
استانا. قازاقپارات - ۋكراينا پرەزيدەنتى پەتر پوروشەنكو ۇلىقتاۋ راسىمىنە وراي كەشكى سالتاناتتى قابىلداۋدا نەمەرەسى دۇنيەگە كەلگەنىن ايتتى، دەپ حابارلادى ينتەرفاكس.
«ۋكرايندىقتار ءبىر ادامعا كوبەيدى، مەن اتا بولدىم»، - دەدى پوروشەنكو.
سەنبى كۇنى جوعارعى رادانىڭ عيماراتىندا پوروشەنكو ۋكراينا پرەزيدەنتى رەتىندە انت بەردى.
ۋكراينا پرەزيدەنتىنىڭ ءتورت بالاسىنىڭ ىشىندە ۇلكەن ۇلى 28 جاستاعى الەكسەي وتكەن جىلعى قىركۇيەكتە ۇيلەنۋ تويىن وتكىزىپ، McKinsey & Company كونسالتينگتىك فيرماسىندا توپ-مەنەدجەر بولىپ قىزمەت ىستەيتىن كيەۆتىك يۋليا اليحانوۆاعا ۇيلەنگەن بولاتىن. الەكسەي مەن يۋليا فرانسياداعى حالىقارالىق بيزنەس-مەكتەبىندە بىرگە وقىعان.
