بوكستان حالىقارالىق كەزدەسۋدە قازاقستاننىڭ ايەلدەر قۇراماسى بارلىق ماتچتا جەڭىسكە جەتتى
بۇل تۋرالى «قازاقستاندىق بوكس فەدەراتسياسى» قاۋىمداستىعىنىڭ باسپا ءسوز قىزمەتى حابارلادى.
سايىستاردىڭ سوڭعى كۇنى قازاقستاندىق سپورتشى قىزدار 7:2 ەسەبىمەن رەسەي كومانداسىن جەڭدى.
بۇل ماتچقا ءبىزدىڭ ۇلتتىق قۇرامانىڭ تالىمگەرى ۆاديم پريسياجنيۋك كوماندا كوشباسشىلارى - سوڭعى رەسپۋبليكالىق بىرىنشىلىك جەڭىمپازدارىن قويدى.
2012 - جىلعى الەم چەمپيوناتىنىڭ قولا جۇلدەگەرى نازىم قىزايباي (48 كەلى) ەكاتەرينا پينيگينانى 3:0 ەسەبىمەن، دينا جولامان (54 كەلى) ليليا ايتبايەۆانى 2:1، گۇلجان ءۇبىنيازوۆا (60 كەلى) - ناتاليا شادرينانى - 3:0، زارينا تسولويەۆا (64 كەلى) - الەكساندرا وردينانى - 2:1، داريعا شاكىموۆا (69 كەلى) - ساادات ابدۋللايەۆانى - 3:0، وليمپيادالىق ويىنداردىڭ قولا جۇلدەگەرى مارينا ۆولنوۆا (75 كەلى) - ەكاتەرينا نادولينسكايانى 3:0، ءلاززات كۇنگەيبايەۆا (81 كەلىدەن استام) - سايدا گاميدوۆانى 3:0 ەسەبىمەن تىزە بۇكتىردى.
ال جاننا باسقايەۆا (57 كەلى) ەلەنا گراينارعا 1:2 ەسەبىمەن، ءمولدىر بازاربايەۆا (81 كەلىگە دەيىن) ليۋبوۆ پاشيناعا 0:3 ەسەبىمەن جول بەردى.
بۇگىنگى وتكەن باسقا ماتچتا موڭعوليا بوكسشىلارى وزبەكستان سپورتشىلارىنان باسىم ءتۇستى.
