استانادا تانىمال كورەيلىك ەتنو-فيۋجن توبى قازاق كۇيىن ورىندادى - فوتو. كەسكىن
توپتىڭ يدەيالىق قولداۋشىسى - قازاق قوبىزىنا ۇقساس كورەي ۇلتتىق «حەگىم» مۋزىكالىق اسپابىندا وينايتىن كان ىن يل. «حەگىم Plus» - كورەيانىڭ اتاقتى مۋزىكالىق ۇجىمى، ولاردىڭ شىعارماشىلىعى باتىستىڭ ءارتۇرلى مۋزىكالىق اسپاپتارىمەن ۇيلەسە قۇيقىلجىعان اۋەنىمەن ەرەكشە.
قازاقستانداعى وڭتۇستىك كورەيانىڭ توتەنشە جانە وكىلەتتى ەلشىسى پەك چۋحين قازاقستاندىق جاستار كورەيلىك پوپ- مۋزىكامەن اۋەستەنەتىنىن اتاپ ءوتتى، سوندىقتان ۇيىمداستىرۋشىلار وسى جولى ولاردى كورەي مادەنيەتىنىڭ باسقا جانرىمەن تانىستىرۋدى ماقسات تۇتقان.
مادەني جانە دوستىق جاقىندىقتى دالەلدەۋ ءۇشىن كورەيلىكتەر كونتسەرتىنە «ارمان» اسپاپتىق ءانسامبلىن شاقىردى. ولار بىرگە اتاقتى كۇيلەردى اۋەلەتىپ، حالىق اندەرىن ورىندادى، ءار حالىقتىڭ اسپاپتارىنىڭ اۋەزدى، ۇيلەسىمدى ىرعاعىمەن جۇرتشىلىقتى تاڭ قالدىردى.
«مەن قازاق پەن كورەي حالىقتارىنىڭ ۇلتتىق مۋزىكالىق اسپاپتارى وسىنداي ۇندەستىك تابادى دەپ كۇتپەگەن ەدىم. ءتۇرلى تىلدە سويلەسەك تە، مۋزىكامىزدىڭ ءبىزدى بىرىكتىرەتىنىن سەزەمىن» ، - دەپ تولقىنىسىن جاسىرا المادى كان ىن يل.
ايتا كەتەيىك، مادەني شارانى كورەيا رەسپۋبليكاسى سىرتقى ىستەر مينيسترلىگى جانىنداعى «Korea Foundation» حالىقارالىق الماسۋ قورى مەن قازاقستان رەسپۋبليكاسىنداعى كورەيا رەسپۋبليكاسىنىڭ ەلشىلىگى (كورەيا مادەني ورتالىعى) ۇيىمداستىردى.
