قازاقستان بيىل ۇشقىشسىز ۇشاقتاردىڭ ءوندىرىسىن جولعا قويماق
بۇل تۋرالى كەشە «قازاقستان ينجينيرينگ» ۇ ك» ا ق باسقارما ءتوراعاسى بولات سماعۇلوۆ ءمالىم ەتتى.
«ءبىز بيىل ۇشقىشسىز ۇشاقتاردىڭ ءوندىرىسىن ىسكە قوسامىز. قازاقستان امەريكالىق «دجەنەرال اناتوميك» كومپانياسىمەن PREDATOR ساناتىنداعى ۇشقىشسىز ۇشاقتاردى شىعارۋ جونىندە كەلىستى. ولار الەمنىڭ ەڭ وزىق ۇشاقتارى دەپ سانالادى» ، - دەدى كومپانيا باسشىسى.
ونىڭ ايتۋىنشا، ءتيىستى كەلىسىمشارتقا قول قويىلعان جانە زاۋىت استانا ماڭىندا سالىنۋدا.
«وندا 2 ساعات اۋەلەي الاتىن كىشكەنتاي ۇشقىشسىز ۇشاقتارمەن قاتار، 18-24 ساعات ۇشۋعا قاۋقارلى ۇشاقتار دا قۇراستىرىلادى. ولار توتەنشە جاعدايلار مينيستىرلىگى ءۇشىن اۋماقتى شولۋ ءۇشىن جانە اسكەري ماقساتتارعا دا قولدانىلادى» ، - دەپ اتاپ ءوتتى ول.
باعدارلامالىق قامتاماسىز ەتۋ ونىمدەرى قازاقستاندا جاسالادى، ال وندىرىسكە قاجەتتى بولشەكتەر يزرايل، ا ق ش جانە ەۋروپا ەلدەرىنەن اكەلىنبەك.
اۆتور: جاسۇلان جولدىبايەۆ 
