راحات اليەۆ «نۇربانك» توپ- مەنەدجەرلەرىن ءولتىرۋ جونىندەگى ىسكە قاتىستى ۇستالدى - ق ر باس پروكۋراتۋراسى
«2014 - جىلدىڭ 5 - ماۋسىمىندا اۆستريا رەسپۋبليكاسىنىڭ قۇقىق قورعاۋ ورگاندارى ۆەنا قالاسىندا ر. م. اليەۆتى ۇستاعان.
ۆەنا قالاسىنىڭ پروكۋراتۋراسى وكىلدەرىنىڭ مالىمدەمەسىنە سايكەس، ر. م. اليەۆتى ۇستاۋعا «نۇربانك» ا ق توپ- مەنەدجەرلەرى ج. تەمىراليەۆ پەن ا. حاسەنوۆتى ۇرلاۋ جانە ءولتىرۋ فاكتىسى بويىنشا تەرگەۋ ماتەريالدارى نەگىز بولعان.
مۇنىڭ الدىندا وسى ايىپتاۋلار بويىنشا ەكستراديسيا جاساۋدان باس تارتىلعاندىعىنا بايلانىستى قازىرگى ۋاقىتتا بۇل تەرگەۋ جۇمىستارىن اۆستريانىڭ قۇزىرەتتى ورگاندارى جۇرگىزۋدە.
اۆستريالىق تاراپ وسى ءىس بويىنشا قۇقىقتىق كومەككە جۇگىنگەن جاعدايدا قازاقستان رەسپۋبليكاسىنىڭ باس پروكۋراتۋراسى ونى ءتيىستى كولەمدە كورسەتۋگە دايىن.
اۆستريالىق تاراپتان وسى ءىس بويىنشا رەسمي اقپاراتتىڭ ءتۇسۋى تۋرالى قوسىمشا حابارلاناتىن بولادى» ، - دەلىنگەن حابارلامادا.
