و دۇنيەگە بارىپ قايتقان قىز تۋرالى اڭگىمە

كلينيكالىق ءولىم ءساتى - ەڭ ۇزاق دەگەندە بەس مينۋتقا دەيىن سوزىلاتىن ادام ومىرىنە قاۋىپتى پروتسەستىڭ ءبىرى. ال، لەتارگيالىق ۇيقىعا كەتكەن ادام ۋاقىت ولشەمىنەن تىس بولادى جانە اراقاشىقتىق ولشەمى مەن اجالدان بوسايدى.

وسىنداي كۇيدە 16 جىل بولعان ءنازيرا رۇستەموۆا تۋرالى «الاش ايناسى» جازعان وقيعانى سىزدەردىڭ نازارلارىڭىزعا ۇسىنىپ وتىرمىز.

نەگىزى ءنازيرانى ءولىپ، قايتا تىرىلگەن ادام دەۋگە بولادى. ويتكەنى لەتارگيالىق ۇيقىعا كەتكەن 4 جاسار ءنازيرانى اتا- اناسى جەر قويناۋىنا تاپسىرعان. سەبەبى، ەش تىرىشىلىك بەلگىسىنسىز اۋرۋحانادا 7 كۇن جاتقان سوڭ، دارىگەرلەر ونى ءولدى دەپ اتا- اناسىنا قايتارعان.

انامنىڭ ايتۋىنشا، كىشكەنتاي كەزىمدە ءنازيرانىڭ باسى قاتتى اۋىرعان ەكەن. سونىڭ سالدارى ما، ايتەۋىر، ءتورت جاسىندا تۇندە ۇيىقتاپ كەتكەننەن، قايتا ويانباعان. وبلىستىق اۋرۋحانادا ءبىر اپتا جاتقان سوڭ دارىگەرلەر ونى ولدىگە ساناپ، «ءمايىتىن» اتا- اناسىنا قايتارىپ بەرىپتى. سودان اتا- اناسى ونى جەرلەگەن.

الايدا سول كۇنى تۇندە ءنازيرانىڭ اكەسى مەن شەشەسى بىردەي ءتۇس كورەدى. بەلگىسىز داۋىس ولارعا، «ءوز قىزدارىڭدى تىرىدەي كومىپ، كەشىرىلمەس كۇنا جاسادىڭدار» دەيدى. شوشىپ ويانعان اتا- اناسى مولاعا جۇگىرەدى. مولادان قىزدارىن قايتا قازىپ الىپ، سول ساتتە وبلىستىق اۋرۋحاناعا جەتكىزەدى. تەكسەرۋ جۇرگىزگەن دارىگەرلەر، قىزدىڭ جۇرەگىنىڭ مينۋتىنا ءبىر- ەكى رەت سوعىپ جاتقانىن انىقتايدى. سودان كەيىن اتا- اناسى ونى تاشكەنتتەگى عىلىمي- زەرتتەۋ ينستيتۋتىنا اپارادى. ءنازيرا سول جەردە ۇيقىدان ويانعانشا جاتقان.

اراعا 16 جىل سالىپ، 1985- جىلى 29 - تامىز كۇنى ءنازيرا كەنەت ويانادى. ءوزىنىڭ ايتۋىنا قاراعاندا ءنازيرا تۇسىندە سوعىلعان تەلەفون شىلدىرىنان ويانعان. كەيىنەن ءنازيرا «تۇسىمدە قايتا- قايتا تەلەفون شىرىلى ەستىلدى. تەلەفوندى مەنەن باسقا ەشكىم كوتەرمەيتىنىنە كوزىم جەتكەن سوڭ، ورنىمنان تۇرىپ، كورشى بولمەدە تۇرعان تەلەفون تۇتقاسىن كوتەردىم. سول جەردە وتىرعان ەكى مەدبيكە ەسىنەن تانىپ قالدى. جان- جاعىما قارادىم، جاتقان كەرەۋەتىم جوق. سويتسەم، مەن كورشى بولمەگە ەسىكتەن ەمەس، قابىرعادان ەش كەدەرگىسىز ءوتىپ كەتىپپىن» دەپ بولعان جايدى ەسكە العان.

ءوزىنىڭ ايتۋىنشا، ول ۇيقىعا كەتكەنگە دەيىن تەلەفون، تەلەديدار دەگەندى كورمەگەن. كەيىنەن بەلگىلى بولعانداي، اۋرۋحاناداعى ءنازيرا جاتقان بولمەنىڭ ەسىگى قۇلىپتاۋلى بولعان. ال ونىڭ كورشى بولمەگە قالاي ءوتىپ كەتكەنى الىگە دەيىن جۇمباق كۇيدە. وسى وقيعادان كەيىن ءنازيرانى ماسكەۋلىك دارىگەرلەر، پسيحولوگتار دا تەكسەرگەن. ءبىراق بۇل جايعا ەشكىم تۇسىنىك تابا الماعان.

تاعى ءبىر قىزىعى 16 جىل ۇيقىدا جاتقان 20 جاسار ءنازيرانىڭ بويى نە بارى 28 سانتيمەترگە وسكەن. الايدا، كەيىن ونىڭ بويى كوسموستىق جىلدامدىقپەن، كۇن ساناپ ءوسىپ، قالىپتى جاعدايعا جەتكەن. ايتۋىنشا، ويانعان العاشقى كەزدەردە بىرنەشە تىلدە ەركىن سويلەپ، جازا دا بىلگەن. كەيىننەن ۋاقىت وتە ۇمىتا باستاعان. دەسە دە سول كەزدەرى قازاق، ورىس، تاجىك، وزبەك، اراب تىلدەرىندە ەمىن- ەركىن سويلەگەن. ال مۇنداي ەرەكشە قاسيەتكە «اللانىڭ قۇدىرەتى» دەگەننەن باسقا تۇسىنىك جوق.

العاشقى كەزدە ول ءبىر ورىندا تۇرىپ، ەش كەدەرگىسىز 10-15 سانتيمەتر جوعارى كوتەرىلەتىن بولعان. جانۋارلاردىڭ ءتىلىن تۇسىنگەن. مۇنداي ەرەكشە قاسيەتتەر ونىڭ بويىندا كوپ ۋاقىتقا دەيىن ساقتالعان.

ارادان بىرنەشە جىل وتكەندە ءنازيرا ول قاسيەتتەرىن جوعالتقان. ەسەسىنە ونىڭ بويىنا ەمشىلىك قاسيەت قونعان ەكەن.