قازاقستان مەن بىرىككەن اراب امىرلىكتەرى عارىش سالاسىنداعى ىنتىماقتاستىقتى دامىتپاق
ينستيتۋتتىڭ باس ديرەكتورى يۋسەف اش- شەيباني EIAST- تىڭ نەگىزگى ماقساتى امىرلىكتەردە عىلىمي يننوۆاتسيالاردى كوتەرمەلەۋ جانە تەحنيكالىق پروگرەستى دامىتۋ، عارىش سالاسىنداعى جەرگىلىكتى مامانداردىڭ توبىن قۇرۋ بولىپ تابىلاتىنىن ءمالىم ەتتى.
اتاپ ايتقاندا، 2009 -جىلى ينستيتۋت بايقوڭىر عارىش ايلاعىنان ءبىرىنشى «Dubai Sat-1» عارىش سەرىگىن ويداعىداي ۇشىردى. عارىش سەرىگىنەن الىنعان كورىنىستەر حالىقارالىق ۇيىمدارمەن پاكىستانداعى سۋ تاسقىنىنىڭ جانە جاپونياداعى تسۋناميدىڭ زارداپتارىن جويۋ ءۇشىن پايدالانىلدى. عارىشتان جاسالعان فوتوسۋرەتتەر سونداي- اق جاعالىق ايماقتاعى توپىراق ەروزياسىن جانە بالدىرلاردىڭ تارالۋىن باقىلاۋعا كومەكتەستى.
ەكىنشى «Dubai Sat-2» عارىش سەرىگى 2013 -جىلى قاراشا ايىندا ۇشىرىلدى. قازىرگى ۋاقىتتا EIAST ب ا ءا- ءنىڭ پرەزيدەنتى شەيح حاليفا بەن زايد ءال ناحاياننىڭ قۇرمەتىنە اتالعان جاڭا ۇلتتىق يننوۆاتسيالىق «Khalifa Sat» سەرىگىن جاساقتاۋدا. جەردى قاشىقتان بارلايتىن سالماعى 330 ك گ جاڭا سەرىك وربيتاعا 2017 - جىلى ۇشىرىلادى.
سۇحبات كەزىندە قازاقستان ەلشىسى قايرات لاما ءشارىپ EIAST باسشىلىعىن جەرگىلىكتى ادام رەسۋرستارىن دامىتۋ جانە اسا زاماناۋي ينفراقۇرىلىم مەن تەحنولوگيالاردى، ونىڭ ىشىندە عارىشتىق عىلىمدى ينۆەستيتسيالاۋداعى مول تابىستارىمەن قۇتتىقتادى. وسى رەتتە ق ر ۇلتتىق عارىش اگەنتتىگى مەن امىرلىكتەردىڭ پەرسپەكتيۆالى عىلىم جانە تەحنولوگيالار ينستيتۋتى اراسىندا 2011 - جىلعى قاراشادا دۋباي قالاسىندا قول قويىلعان عارىش كەڭىستىگىن بەيبىت ماقساتتاردا زەرتتەۋ جانە پايدالانۋ سالاسىنداعى ىنتىماقتاستىق تۋرالى كەلىسىمدە عارىش سالاسىنداعى قازاقستان- ب ا ءا ىقپالداستىعىنىڭ نەگىزگى باعىتتارى بەلگىلەنگەنى اتاپ ءوتىلدى.
تاراپتار كەلەسى كەزەكتە عارىشتىق تەحنولوگيالاردى پايدالانۋ سالاسىنداعى ەكىجاقتى قاتىناستاردى ناقتى جانە ءوزارا ءتيىمدى جوبالارمەن تولىقتىرۋ قاجەت دەگەن ورتاق پىكىرمەن كەلىستى. وسىعان بايلانىستى قازاقستاندىق ديپلومات EIAST ينستيتۋتىنىڭ باس ديرەكتورى يۋسەف اش- شەيبانيگە ق ر ۇلتتىق عارىش اگەنتتىگىنىڭ ءتوراعاسى تالعات مۇسابايەۆتىڭ جۇمىس ساپارىمەن قازاقستانعا شاقىرۋىن تابىس ەتتى، دەپ حابارلانعان ق ر س ءى م رەسمي سايتىندا.
