قازاقستاندىقتار ا ق ش- تىڭ اسكەري وقۋ ورىندارىندا ءبىلىم الادى

استانا. قازاقپارات - بۇگىن ا ق ش  ق ك اسكەري اۋە جانە اسكەري- تەڭىز اسكەري اكادەميالارىنىڭ بولاشاق كۋرسانتتارىنا وقۋ سەرتيفيكاتتارى تابىس ەتىلدى،

 دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.

وسى وقۋ ورىندارىندا ءبىلىم الۋعا كانديداتتاردى ىرىكتەۋ سىنىنان وتكەن ابىلاي ورازحانوۆقا، بالاۋسا كامەلەدەنوۆاعا، دانيار يمانقۇلوۆقا سەرتيفيكاتتاردى ا ق ش- تىڭ قازاقستانداعى توتەنشە جانە وكىلەتتى ەلشىسى دجون وردۆەي تابىس ەتتى.

امەريكاندىق ديپلومات ا ق ش قارۋلى كۇشتەرىنىڭ جوعارى وقۋ ورىندارىندا الىنعان ءبىلىم قازاقستان ارمياسىندا تابىستى قولدانىلاتىندىعىنا سەنىم ءبىلدىردى.

قازاقستاندىقتار ق ر قورعانىس مينيسترلىگى مەن ا ق ش قارۋلى كۇشتەرى اراسىنداعى اسكەري سالاداعى ىنتىماقتاستىقتىڭ بەسجىلدىق جوسپارى اۋقىمىندا وقيدى. شەت ەلدە ءبىلىم العان اسكەري قىزمەتشىلەر ق ر قارۋلى كۇشتەرىنىڭ بولىمدەرى مەن قۇرامالارىندا قىزمەتتەرىن جالعاستىراتىن بولادى.