شانشار تەاترىنىڭ بۇرىنعى اكتريساسى جۇلدىزاي كەلىن اتاندى

استانا. قازاقپارات - حالىققا ەڭ العاش «شانشار» تەاترىنىڭ اكتريساسى رەتىندە تانىلعان جۇلدىزاي دۇيسەنبيەۆا تۇرمىسقا شىقتى.

بۇل تۋرالى «الاش ايناسى» ينتەرنەت گازەتى حابارلايدى.
بۇل جاڭالىقتى كوپشىلىككە العاش تاراتقان «جۇلدىزدار قۇپياسى» باسىلىمىندا جازىلعانىنداي، جۇلدىزايدىڭ ۇزاتىلۋ تويى 14 - مامىر كۇنى شىمقالادا قازاقى سالت-داستۇرمەن وتكەن.

جۇلدىزاي «شانشار»، «الداراسپان»، «تاقيا مەن مافيا» سەكىلدى ساتيرالىق تەاترلار ساحناسىندا تالاي كەلىننىڭ، كەلىنشەكتەردىڭ ءرولىن تاماشا ويناپ جۇرسە دە وسى ۋاقىتقا دەيىن ءوزىنىڭ ومىرلىك جارىن كەزدەستىرە الماي ءجۇردى.

بۇل تۋرالى ءوزى دە تالاي باسىلىمدارعا سۇقبات بەرگەن. «ەگەر ەسەپپەن تۇرمىس قۇراتىن قىزداردىڭ قاتارىندا بولسام، الدەقاشان جارقىراپ جۇرەر ەدىم. ويتكەنى جاعدايى جاقسى جىگىتتەر از ءسوز سالمادى. بىرەۋدىڭ نەسىبەسىنە قول سالعىم كەلمەيدى. باستىسى -  بولاشاق جارىمنىڭ جۇرەگى مەن دەپ، مەنىڭ جۇرەگىم -  ول دەپ سوقسا بولدى. الايدا ونداي ازامات جولىقپاي ءجۇر...» دەگەن ەدى ءبىر سۇقباتىندا اكتريسا. ەندى مىنە، جۇلدىزايدىڭ دا باسىنا اق جاۋلىق سالىنىپ، قازاقتىڭ ءبىر جىگىتىنە جار اتاندى.

ساتيرا ساحناسىنىڭ سۇلۋى ومىرسەرىك اتتى جىگىتتى ومىرلىك جارى ەتىپ تاڭداعان ەكەن. اكتريسانىڭ ايتۋىنشا ومىرسەرىكتىڭ ونەرگە ەش قاتىسى جوق. ومىرسەرىك 1981 - جىلى تۋعان وڭتۇستىك قازاقستاننىڭ ازاماتى.

جۇلدىزاي دۇيسەنبيەۆانىڭ ۇزاتۋ تويىنا ونىڭ ونەردەگى ارىپتەستەرى، دوستارى قاتىستى. «شىمكەنت شوۋ» مەن «الداراسپان» ، «مافيا مەن تاقيا» تەاترلارىنىڭ وكىلدەرى، ءسابيت پەن جاناتبەك جۇلدىزايدىڭ تويىنا ارنايى باردى. «انشىلەر قاۋىمىنان باۋىرجان وسكەنبەكوۆ، قۇرداسىم، دوسىم روزا ءالقوجا، قازاقتىڭ اقىن قىزى اقمارال، ەرنار ايدار باۋىرىم، «اعايىندىلار» توبى، «ارمان» توبى جانە دە ءووزىمنىڭ تۇركىستاندىق دوستارىم تويىمىزدىڭ ءقادىرلى قوناعى بولدى» دەيدى اكتريسا. جۇلدىزايدىڭ تويىنا ۋاليبەك پەن ءجۇسىپ اعالارى جانە نۇرجان تولەنديەۆ بەلگىلى سەبەپتەرمەن بارا الماعان كورىنەدى.

اۆتور: اينۇر نۇرسابەت