الداعى اپتادا رەسەي باس پروكۋراتۋراسى مۇحتار ءابىلازوۆتى رەسەيگە تاپسىرتۋعا تالپىنىپ كورەدى
ر ف باس پروكۋراتۋراسىنىڭ مالىمەتىنە قاراعاندا، 2014 - جىلعى 3 - ماۋسىمدا ليون قالاسىنىڭ اپەللياتسيالىق سوتى قازاقستاندىق ب ت ا بانك ديرەكتورلار كەڭەسىنىڭ بۇرىنعى ءتوراعاسى مۇحتار ابىلازوۆ پەن ماسكەۋ وبلىسى ۇكىمەتى ءتوراعاسىنىڭ بۇرىنعى ءبىرىنشى ورىنباسارى الەكسەي كۋزنەتسوۆتى قىلمىستىق جاۋاپكەرشىلىككە تارتۋ ءۇشىن ر ف- كە تاپسىرۋ وتىنىشتەرىن قاراستىرۋ بويىنشا سوت وتىرىستارىنا رەسەيلىك تاراپتىڭ وكىلدەرىن قاتىستىرۋ قولداۋحاتىن بەكىتتى.
دەگەنمەن دە اتالعان كۇدىكتىلەردىڭ قورعاۋشىلارى رەسەيلىك وكىلدەردىڭ سوت وتىرىستارىنا قاتىسۋىنا قارسىلىق تانىتقان.
ايتا كەتەيىك، ابىلازوۆ پەن كۋزنەتسوۆ فرانتسيادا 2013 - جىلدىڭ شىلدەسىنەن بەرى قاماۋعا الىنعان بولاتىن.
ەكى ءىس بويىنشا سوت وتىرىستارى ليون قالاسىندا بيىلعى 12 - ماۋسىمدا وتەدى. وسى ورايدا ر ف باس پروكۋراتۋراسىنىڭ وكىلى اتالعان وتىرىستارعا قاتىسۋ ءۇشىن فرانتسياعا باراتىن بولدى.
ەسكە سالساق، ب ت ا بانكى ديرەكتورلار كەڭەسىنىڭ بۇرىنعى باسشىسى، قازاقستان ازاماتى م. ءابىلازوۆ 31 - شىلدە كۇنى فرانسيادا ۇستالعان بولاتىن. بانكيردى بەرۋدى رەسەي، ۋكراينا جانە قازاقستان قۇقىق قورعاۋ ورگاندارى تالاپ ەتكەن ەدى. توقتالا كەتەتىن جايت، قازاقستان مەن فرانسيا اراسىندا ەكستراديتسيالاۋ تۋرالى كەلىسىم جوق.
اۆتور: رۋسلان عابباسوۆ
