10:04, 07 - ماۋسىم 2014 | GMT +5
افريكالىق ازامات مەككەدە ءوزىن يسا پايعامبارمىن دەپ جاريالادى - كەسكىن
استانا. قازاقپارات - ساۋد ارابيالىق ب ا ق- تىڭ حابارلاۋىنشا، جاقىندا مۇسىلمانداردىڭ قاسيەتتى جەرى مەككەدەگى ءال- حارام مەشىتىنىڭ جانىندا افريكالىق ازامات ءجون- جوسىقسىز ايقايلاپ، ءوزىن يسا پايعامبارمىن دەپ جاريالاعان،
دەپ حابارلايدى muslim.kz.
ءال- حرام مەشىتىنىڭ قاۋىپسىزدىك كۇشتەرى قولباسشىسىنىڭ سوزىنە قاراعاندا، ەر ادام ايقاي شىعارعانمەن قوسا ۇستىندەگى كيىمىن جىرتىپ، ورىندىقپەن شامدى سىندىرعان. ودان كەيىن ول قاجىلىققا كەلگەندەردى ۇرعان. پوليتسيا قىزمەتكەرلەرى بۇزاقىعا بىردەن بۇعاۋعا سالدى.
ەسسىز ازاماتتىڭ بۇل قىلىعى تۇسىرىلگەن ۆيدەو الەۋمەتتىك جەلىلەر ارقىلى تەز تاراپ كەتتى. سولاردىڭ بىرەۋىندە ول كيىمىن جىرتىپ، ورىندىقپەن شامدى ۇرىپ سىندىرعانى كورىنىپ تۇر.
كەيىن پوليتسيا وكىلدەرى اتالعان ازامات پسيحيكالىق اۋرۋعا شالدىققانىن حابارلادى. ول قۇزىرەتتى ورگاندارعا تاپسىرىلدى.
