قازاقستان دارىندى شەتەلدىك جاستارعا نازاربايەۆ ۋنيۆەرسيتەتىندە ءبىلىم الۋعا ۇكىمەتتىك گرانت ۇسىنادى
بۇل تۋرالى بۇگىن «شەتەلدىك جۇمىس كۇشىن تارتۋ سالاسىنداعى زاڭنامانى جەتىلدىرۋ» تاقىرىبىندا وتكەن دوڭگەلەك ۇستەل بارىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى.
«تالانتتى جاستارعا، ءبىرىنشى كەزەكتە ت م د ەلدەرى مەن شەتەلدىك ەلدەردىڭ جاستارىنا نازاربايەۆ ۋنيۆەرسيتەتىندە ءبىلىم الۋ ءۇشىن قازاقستان ۇكىمەتىنىڭ گرانتىن ۇسىنۋ مۇمكىنشىلىگى قاراستىرىلۋدا. ەگەر بۇل ستۋدەنتتەر وقۋىن جاقسى اياقتاپ، 5 جىلعا دەيىن وسىندا قالۋعا نيەت بىلدىرسە، وندا ءبىز ولاردىڭ قازاقستاندا قالۋ جانە كۆوتا مەن رۇقسات الۋدان تىس جۇمىس تابۋى مۇمكىنشىلىگىن قاراستىرامىز» ، - دەدى ءمينيسترى.
ونىڭ اتاپ وتۋىنشە، بۇگىندە مينيسترلىك ەلىمىزدىڭ ەكونوميكاسى ءۇشىن اسا قاجەتتى 20 كاسىپتىڭ ءتۇرىن انىقتاپ وتىر.
«تالاپ ەتىلەتىن كاسىپتەردىڭ ءتىزىلىمىن انىقتاۋ ءۇشىن بولجاۋدىڭ جاڭا ءادىسىن دايىندادىق. ناۋرىز، ءساۋىر، مامىر ايلارىندا بەيىمدەپ، ەلىمىزدىڭ ەكونوميكاسى ءۇشىن اسا قاجەتتى شامامەن 20 كاسىپ ءتۇرىن انىقتادىق. ەندىگى ۋاقىتتا وسى ءادىس نەگىزىندە بىزدەر ءۇشىن اسا قاجەتتى ماماندىقتاردى وڭدەۋ ونەركاسىبى، اگرو ونەركاسىپ كەشەنى جانە گەولوگيالىق بارلاۋ سالالارىندا انىقتاپ وتىرمىز» ، - دەدى ت. دۇيسەنوۆا.
اۆتور: مارلان جيەمباي
