قىتاي ەلى شەتەلدىك يۋان ۇستاۋشىلارعا ەلدە التىن ساۋداسىن جۇرگىزۋگە رۇقسات ەتۋى مۇمكىن

استانا. قازاقپارات - الەمدەگى ەڭ ءىرى التىن پايدالانۋشى - قىتاي ەلى، شەتەلدىك ينۆەستورلاردى شاڭحايداعى ەركىن ساۋدا ايماعىنداعى باعالى مەتتال وپەراتسيالارىنا كىرۋىنە رۇقسات بەرمەك.

بۇل تۋرالى بلۋمبەرگ اگەنتتىگى حابارلايدى.

 بۇنداي قادام قىتاي مەملەكەتىنىڭ التىن نارىعىنداعى پوزيتسياسىن نىعايتۋ ماقساتىندا جاسالىپ وتىر. قىتاي ءوزىنىڭ وراسان زور التىن- ۆاليۋتالىق قورىنا قاراماستان، الەمدىك نارىقتاعى ورنى وسال جانە ەلدىڭ باعا ساياساتى دا ناشار. وسى رەتتە شەتەلدىك ەسەپ- شوتتارى قىتايلىق ۆاليۋتادا بولعان ازاماتتار 999 سىناماسى بار التىن فيۋچەرستەرىن قوسا، بىرنەشە كەلىسىم- شارتتارىن ساۋداۋ مۇمكىندىگىنە يە بولىپ وتىر.

 الايدا، شاڭحايدا ساتىپ الىنعان التىندى قىتايدىڭ قالعان ايماقتارىنا جەتكىزۋدەگى قيىندىقتار، ينۆەستورلاردى ۇركىتىپ الۋ قاۋپىن تۋدىرۋدا. سەبەبى، قىمبات مەتال يمپورتى ەلدىڭ ورتالىق بانكىنىڭ كۆوتالارىمەن عانا وتكىزىلەدى.

 ستاندارت چارتەرد ساراپشىلارىنىڭ باعالاۋىنشا، ناۋرىز ايىنىڭ كورسەتكىشتەرى بويىنشا قىتايدان تىسقارى ايماقتا 240 ميلليارد دوللار اينالىمدا بولعان.

«استانا» ارناسى