12:04, 06 - ماۋسىم 2014 | GMT +5
بەلسەندى ايەل پۋتيننىڭ ءمۇسىنىن قۇلاتتى
استانا. قازاقپارات - Femen توبىنىڭ بەلسەندىسى پاريجدىڭ گريەۆەن مۇراجايىندا تۇرعان رەسەي پرەزيدەنتى ۆلاديمير پۋتيننىڭ بالاۋىزدان جاسالعان ءمۇسىنىن زاقىمدادى.
ءبىرقاتار اقپاراتتارعا قاراعاندا، 5 - ماۋسىمدا مۇراجايعا كىرگەن جارتىلاي جالاڭاشتانعان ايەل «پۋتين - ديكتاتور!» دەپ ايقايلاپ، مۇسىنگە تەمىر ىستىكتى قاداعان سوڭ ءمۇسىننىڭ كەۋدە تۇسىنا قىزىل بوياۋمەن «پۋتين ءولتىرىلسىن» دەپ جازعان. بەلسەندى ۇستالدى. مۇراجاي اكىمشىلىگى بەلسەندىنىڭ بۇل ارەكەتىن «ازعىنداۋدىڭ كورىنىسى» دەپ ايىپتادى.
رەسەي پرەزيدەنتى ۆلاديمير پۋتين 6 - ماۋسىمدا نورماندياعا ەكىنشى دۇنيەجۇزىلىك سوعىس كەزىندە وداقتاستار اسكەرى تۇسىرىلگەنىنە 70 جىل تولۋىنا وراي ۇيىمداستىرىلعان شارالارعا قاتىسار الدىندا فرانتسيا پرەزيدەنتى فرانسۋا وللاندپەن كەزدەسۋى ءتيىس.
«ازاتتىق»
Femen بەلسەندىسى زاقىمداعان ۆلاديمير پۋتيننىڭ بالاۋىزدان جاسالعان ءمۇسىنى. پاريج، گريەۆەن مۇراجايى، 5 - ماۋسىم 2014 -جىل.
