قازاقستاننىڭ كورشى ەلدەرمەن شەكارالىق نەمەسە اۋماقتىق داۋلارى جوق - م. اشىمبايەۆ

استانا. قازاقپارات - قازاقستان كورشى ەلدەرمەن شەكارالىق قايشىلىقتار مەن اۋماقتىق داۋلاردان ادا. بۇل تۋرالى كەشە ورتالىق كوممۋنيكاتسيالار قىزمەتىندە وتكەن بريفينگتە ق ر پارلامەنتى ءماجىلىسىنىڭ دەپۋتاتى ماۋلەن اشىمبايەۆ ءمالىم ەتتى. 

«ەگەر ەلىمىزدىڭ 23 جىل تاۋەلسىزدىگى كەزىندەگى ساياسي، ەكونوميكالىق، قاۋىپسىزدىك سالاردا قول جەتكىزگەن جەتىستىكتەرىن سارالايتىن بولساق، بۇنىڭ بارلىعى قازاقستاننىڭ اشىق ساياساتىنىڭ ارقاسىندا قول جەتكىزىلدى. سونىڭ ىشىندە ءبىز ءوز ەلىمىزدىڭ مەملەكەتتىك شەكاراسىن قۇقىقتىق راسىمدەلۋىن تولىق اياقتاعانىمىز ءۇشىن ماقتانامىز. بۇل - ناق سول اشىقتىقتىڭ ارقاسىندا بولعان جەتىستىك.

سەبەبى ءبىز كورشى ەلدەرمەن ارىپتەستىگىمىزدى جۇرگىزدىك، ولارمەن تالقىلاۋلار وتكىزىپ، بارلىق وتكىر تۇرعان ماسەلەلەردى شەشۋگە تىرىستىق، وسىلايشا دەر ۋاقىتىندا شەكارامىزدىڭ دەليميتاتسياسىن جاساي الدىق. اشىقتىق ساياساتىنىڭ نەگىزىندە بۇگىندە قازاقستان كورشى ەلدەرمەن شەكارالىق قايشىلىقتار مەن اۋماقتىق داۋلاردان ادا» ، - دەدى پالاتانىڭ حالىقارالىق قاتىناستار، قاۋىپسىزدىك جانە قورعانىس كوميتەتىنىڭ ءتوراعاسى م. اشىمبايەۆ.  

ەۋرازيالىق ەكونوميكالىق وداق شارتىنا قول قويعان قازاقستان الەمدىك كوپ تاراپتى ساياساتتان باس تارتادى دەگەن ءسوز ەمەس.

«مەن كوپ ۆەكتورلى ساياسات، قازاقستاننىڭ سىرتقى ساياساتتاعى مۇددەلەردىڭ تەپە- تەڭدىگىن ساقتاۋ جونىندەگى كوزقاراسى سول قالپىندا قالاتىندىعىن اتاپ وتكىم كەلەدى. ەۋرازيالىق ەكونوميكالىق وداق تۋرالى شارتقا قول قويعانىمىز كوپ ۆەكتورلى ساياساتتان باس تارتادى دەگەن ءسوز ەمەس» ، - دەدى ماجىلىسمەن.

ونىڭ ايتۋىنشا، ساۋدا- ساتتىق اينالىمى 50 ميلليارد دوللاردان اساتىن ەۋرو وداق ەلدەرى اراسىنداعى قارىم- قاتىناستار ودان ءارى تەرەڭدەتىلە بەرەتىن بولادى. سونىمەن قاتار شىعىس مەملەكەتتەرىمەن، ونىڭ ىشىندە قىتاي ەلىمەن اراداعى بايلانىستار باستى نازاردا بولادى.