ەلىمىزدە جىل سوڭىنا دەيىن ءتورت جەڭىل ونەركاسىپ نىسانى اشىلماق
«ءۇ ي ي د مەملەكەتتىك باعدارلاماسى جۇزەگە اسىرىلعالى بەرى جەڭىل ونەركاسىپ سالاسىندا 15 كاسىپكەرلىك اشىلىپ، بيىلعى جىلدىڭ سوڭىنا دەيىن وعان تاعى 4 ەۋى قوسىلماق» ، - دەيدى ب. قاسىمبەكوۆ.
كوميتەت ءتوراعاسىنىڭ ايتۋىنشا، جەڭىل ونەركاسىپتە 1,5 مىڭنان استام كاسىپكەرلىك جۇمىس ىستەيدى. سونىڭ 97%- ى - شاعىن جانە ورتا كاسىپكەرلىك. ونداعى سانى 12 مىڭنان اسىپ جىعىلاتىن جۇمىسكەرلەردىڭ باسىم بولىگىن ايەل ادامدار قۇرايدى، دەپ حابارلايدى strategy2050.kz.
«قازاقستاننىڭ جەڭىل ونەركاسىبى شىعاراتىن ءونىمىنىڭ 51%- ى تەكستيلدى بۇيىمدار بولسا، 42%- ى كيىمدەرگە، ال 7%- ى بىلعارى مەن وعان قاتىستى ونىمدەرگە تيەسىلى» ، - دەيدى ونەركاسىپ سالاسىنىڭ باسشىسى.
قازاقستان رەسپۋبليكاسىنىڭ تەكستيلدى سالاسىنىڭ شيكىزاتتىق بازاسى ماقتا مەن ءجۇن ەكەنى انىق. ب. قاسىمبەكوۆتىڭ ايتۋىنشا، 2008-2013 -جىلدار ارالىعىندا جەڭىل ونەركاسىپتە قوسىلعان قۇنى جوعارى ونىمدەر ەكسپورتى قۇندىق ماندە 2,4 ەسەگە، ياعني 39,3 ميلليون ا ق ش دوللارىنان 95 ميلليون ا ق ش دوللارىنا دەيىن ءوستى.
